Shefi i mercenarëve Wagner sfidon edhe një herë vendimet e Putinit

Shefi i grupit mercenar Wagner ka refuzuar të nënshkruajë kontrata me ministrinë ruse të mbrojtjes pasi Vladimir Putin tha se kjo ishte e nevojshme.

Ndërsa ai shpesh bën kritika të ashpra ndaj drejtuesve të lartë ushtarakë rusë, Yevgeny Prigozhin deri më tani ka qenë i kujdesshëm që të mos sfidojë presidentin rus.

Por, siç raportojnë mediat e huaja, përcjell Telegrafi, sot ai tha: “Asnjë nga luftëtarët e Wagner nuk është gati të shkojë përsëri në rrugën e turpit. Prandaj ata nuk do të nënshkruajnë kontratat”.

Lexo po ashtu Putini ia kthen shpinën ministrit të tij të Mbrojtjes, Sergei Shoigu – pamje që tregojnë se “nuk duhet të jesh ekspert për të kuptuar raportet mes tyre”

Ai ka shtuar se mendonte se do të gjendej një “zgjidhje kompromisi” midis Putinit dhe parlamentit për t’u mundësuar luftëtarëve të Wagner-it të merrnin garanci sociale dhe status të certifikuar si luftëtarë.

Lexo po ashtu Fillimi i kundërofensivës: Brenda njërit prej fshatrave të parë të çliruar nga Ukraina

Ndryshe, vë në pah Sky News, të martën, Putin mbështeti ministrinë e mbrojtjes në përpjekjet e saj për të vendosur kontrollin mbi forcat luftarake të parregullta si Wagner dhe forcat speciale çeçene Akhmat – kjo e fundit ka rënë dakord për kontrata të reja.

Ai tha se kontratat ishin të nevojshme për të lejuar luftëtarët e plagosur ose familjet e të vrarëve në aksion të marrin kompensim. /Telegrafi/