LAJMI I FUNDIT:

Shaqiri futet në mesin e 10 lojtarëve me më së shumti paraqitje te Zvicra

Shaqiri futet në mesin e 10 lojtarëve me më së shumti paraqitje te Zvicra

Zvicra ka pësuar humbje minimale në udhëtim te Spanja 1-0 në kudër të Ligës së Kombeve.

Përfaqësuesja helvetike mbetet e fundit në Grupin e 4 të Divizonit A me vetëm një pikë pas tri ndeshjeve.


Gjithsesi takimi ndaj Spanjës ka qenë i veçantë për Xherdan Shaqirin që ka festuar edhe ditëlindjen e tij të 29-të.

Ylli kosovar me paraqitjen ndaj Spanjës është futur në mesin e 10 lojtarëve me më së shumti paraqitje në Përfaqësuesen zvicerane.

Shaqiri zhvilloi ndeshjen e tij të 83-të me ekipin A të Zvicrës duke u barazuar me Valon Behramin.

Në mesin e 10 lojtarëve me më së shumti paraqitje është edhe Granit Xhaka në vendin e tetë me tri paraqitje më shumë se Shaqiri e Behrami.

Pozita e parë mbahet nga legjenda Heinz Hermann i cili ka 118 paraqitje nga viti 1978 deri më 1991.

Futbollistët tjerë që kanë mbi 100 paraqitje janë edhe Alain Geiger, Stephan Lichtsteiner dhe Stephane Chapuisat. /Telegrafi/