Sermaxhaj i kënaqur nga paraqitja e skuadrës së tij, por jo nga rezultati final

Malisheva dhe Llapi kanë luajtur baras 0-0 në kuadër të xhiros së 18-të në Albi Mall Superligën e Kosovës.

Dy skuadrat nga pjesa e poshtme e tabelës luftuan shumë, por që nuk arritën të gjenin golin e fitores.

Trajneri i vendasve, Sami Sermaxhaj ka thënë pas ndeshjes se ishte një ndeshje e mirë nga skuadra e tij, edhe pse mungoi goli.

“Ka qenë një ndeshje shumë e tensionuar nga futbollistët, pasi fitorja ishte shumë e rëndësishme për të dyja skuadrat”.

“Them të drejtën kam mbetur i kënaqur nga loja e skuadrës time, pasi krijuam shumë, por nuk arritëm t’i konkretizojmë rastet”.

Malisheva pati mungesa të mëdha në këtë duel, derisa Sermaxhaj foli edhe për afatin kalimtar.

“Kam mungesa të lojtarëve, në këtë ndeshje munguan disa futbollistë shkaku i lëndimeve e disa shkaku i kartonëve”.

“Nuk do të ketë shumë pushim pasi na pret një punë e madhe. Të shohim se çfarë do të bëjmë gjatë janarit pasi është një afat kalimtar i shkurtër dhe nuk është se gjithmonë transferimet e janarit janë të mira”, u shpreh Sermaxhaj. /Telegrafi/