LAJMI I FUNDIT:

Sebastian Rode u gjakos i tëri pas goditjes në kokë nga Lundstram, mesfushori i Frankfurtit tregon qepjet në kokë

Sebastian Rode u gjakos i tëri pas goditjes në kokë nga Lundstram, mesfushori i Frankfurtit tregon qepjet në kokë

Sebastian Rode ka treguar pasojat e finales së madhe të Ligës së Evropës, ku mbeti i gjakosur pas një goditje në kokë nga kundërshtari i tij, John Lundstram.

Finalja e Ligës së Evropës ishte në minutat e parë kur ndodhi polemika e parë e lehtë e ndeshjes, pasi Lundstram u përpoq të fitonte një top që ishte në diskutim.

Teksa këmba e tij u ngrit lartë për të kontrolluar topin, koka e Rodes zbriti për ta goditur atë dhe në mënyrë të pashmangshme të dy ranë në kontakt, duke e lënë gjermanin me dhimbje dhe pasoja.

Kishte një befasi që nuk pati karton të verdhë për lojtarin e Rangers, madje disa pretenduan se mund të kishte qenë një karton i kuq, vetëm gjashtë minuta pas fillimit ndeshjes.

Nga ana tjetër, Rode duhej të fashohej dhe i tëri nga stafi mjekësor dhe ashtu me ndërhyrje dhe qepje në kokë, ai vazhdoi plotësisht lojën.

Gjermani pas finales ka treguar qepjet që mori në majë të kokës, dhe është e drejtë të thuhet se kjo tregon se përpjekja e Lundstram për të fituar topin mund të ishte parë padyshim si mjaft e rrezikshme për një karton të kuq.

“Gjëja kryesore është të marrësh diçka!!! Gjithçka tjetër nuk ka rëndësi”, postoi gjermani në Twitter, duke ndihmuar ekipin e tij të fitojë ‘gjënë’.

Rode luajti për 90 minutat e lojës, teksa Rangers kaloi në epërsi përmes Joe Aribo në pjesën e dytë, por që Rafael Borre barazoi më vonë.

Ai u zëvendësua në minutën e 90-të, me Kristijan Jakic që e zëvendësoi për kohën shtesë, ndërsa Frankfurt e fitoi ndeshjen me penallti.

Nga ana tjetër, Lundstram përfundoi duke luajtur 120 minutat e plota të lojës, edhe pse ai nuk u zgjodh për të goditur penalltinë. /Telegrafi/

Në trend Sport

Më shumë
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Zbulohet emri i vërtetë i Kylian Mbappes - ka lënë të shokuar fansat e tij

Zbulohet emri i vërtetë i Kylian Mbappes - ka lënë të shokuar fansat e tij

Ligue 1
Barcelona ka dy javë kohë për të zgjedhur numrin 10 – në klub kanë tri opsione

Barcelona ka dy javë kohë për të zgjedhur numrin 10 – në klub kanë tri opsione

La Liga
Nuk ishte vetëm dëshira e Mbappes, te PSG zbulojnë se kush tjetër konsiderohet fajtor për largimin e francezit

Nuk ishte vetëm dëshira e Mbappes, te PSG zbulojnë se kush tjetër konsiderohet fajtor për largimin e francezit

Ligue 1
“Nuk pendohem që e shita, ishte marrëveshje e mirë” - pronari i Cluj flet pas shitjes së Ermal Krasniqit

“Nuk pendohem që e shita, ishte marrëveshje e mirë” - pronari i Cluj flet pas shitjes së Ermal Krasniqit

Ligat tjera

"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes

La Liga
Kalo në kategori