Gjermania ishte nën presion prej ditësh për të miratuar dërgimin e tankeve në Ukrainë, duke bërë që kritikët të akuzonin Olaf Scholzin për pavendosmëri, raporton Sky News.

Reklama

Duke komentuar shpejtësinë me të cilën u mor vendimi, kancelari gjerman tha: “E kemi marrë vendimin sot, dhe kam shfrytëzuar rastin e parë për të ardhur këtu në parlament”, transmeton Telegrafi.

“Do të ishte një gabim shumë i rëndë marrja e një vendimi të njëanshëm, është e rëndësishme të punohet në bashkëpunim me të tjerët”, shtoi kancelari gjerman.

Ai shtoi se aleatët, jo njoftimet për media, janë prioritet për arritjen e paqes në Evropë.

Gjermania do t’ia dërgojë Ukrainës tanket Leopard 2, Zelensky: Nuk bëhet fjalë për 5 apo 10 – kemi nevojë për më shumë Gjermania do t’ia dërgojë Ukrainës tanket Leopard 2, Zelensky: Nuk bëhet fjalë për 5 apo 10 – kemi nevojë për më shumë
Reklama

Vendimi i Gjermanisë i ka hapur rrugën vendeve si Polonia, Spanja dhe Norvegjia, që të dërgojnë rezervat e tyre të tankeve Leopard, dhe ka të ngjarë që të bëhet një koalicion.

Reklama

Në një pyetje, ai vazhdoi të mbrojë shpejtësinë e vendimmarrjes së tij.

“Është e rëndësishme të investohet kohë për të arritur koordinimin. Duhet të japim kontributin tonë dhe kjo është ajo që ne jemi të gatshëm të bëjmë”, tha ndër tjera Scholz.

Scholz gjithashtu bëri të ditur se vendi i tij do të mbështesë Ukrainën me armë, “për aq kohë sa të jetë e mundur”.

Ai tha se Gjermania do të vërë në dispozicion ndihma, për të ndihmuar në sigurimin e infrastrukturës energjetike dhe për të rindërtuar Ukrainën.

Reklama

“Do të duhen vite dhe dekada, në të cilat komuniteti botëror duhet të ndihmojë Ukrainën në rindërtimin e vendit”, tha për fund Scholz. /Telegrafi/