Mohamed Salah ka thënë që tani është koha e Liverpoolit për të fituar Ligën Premier, pas fitores së tyre të jashtëzakonshme 4-0 ndaj Crystal Palace të mërkurën.

Golat nga Trent Alexander-Arnold, Salah, Fabinho dhe Sadio Mane në Anfield panë që ekipi i Jurgen Klopp të ndërmarr një hap tjetër drejt titullin të ligës.

Ky titull për Reds do të ishte pas plot 30 viteve ‘agjërim’ dhe ylli egjiptian Salah mendon se tashmë ka ardhur koha për të ngritur lart trofeun.

Liverpooli merr një fitore me aromë titulli ndaj Crystal Palace, pret gabimin e Cityt për t’u shpallur kampion i Anglisë Liverpooli merr një fitore me aromë titulli ndaj Crystal Palace, pret gabimin e Cityt për t’u shpallur kampion i Anglisë

Liverpool mund të kurorëzohet kampion sot (e enjte)nëse Manchester City nuk arrin të mposht Chelsean në Stamford Bridge.

“Ndihem mirë. Që kur erdha këtu, thashë që dua të fitoj Ligën Premier me ekipin. City nuk e fitoi atë për një kohë të gjatë, kështu që ishte koha e duhur”, ka thënë fillimisht Salah për Sky Sports.

Liverpool 4-0 Crystal Palace, notat e lojtarëve Liverpool 4-0 Crystal Palace, notat e lojtarëve

“Ndoshta vitin e kaluar kemi pasur një shans ta fitojmë por Man City gjithashtu performoi me të vërtetë mirë dhe ata merituan ta fitojnë atë”.

“Tani është koha jonë për ta fituar atë dhe është e shkëlqyeshme”, përfundoi ylli i Reds. /Telegrafi/