Sa është i kënaqur Agim Ademi me Franco Fodën dhe cili futbollist i Kombëtares e ka mahnitur

I ftuari i radhës në podcastin “Arena e Yjeve” në Telegrafi ka qenë presidenti i FFK-së, Agim Ademi, i cili foli për rezultatet e arritura deri më tani nga përzgjedhësi gjerman Franco Foda.

Foda u emërua në krye të Kosovës në shkurt të këtij viti dhe deri më tani ka udhëhequr ‘Dardanët’ në 9 ndeshje, ku nga këto ka arritur 5 fitore dhe 4 humbje.

“Po, jemi të kënaqur domethënë, jashtëzakonisht jemi të kënaqur me Franco Fodën sepse ka krijuar një standard domethënë shihet kjo”.

“Ka barazu lojtar dhe tash mund të them që i kemi 27-28 lojtarë që kanë luajt që mund të luajnë për kombëtaren, nuk po e them që të barabartë sepse nuk ka asnjëherë të barabartë, por të përafërt janë dhe të nivelit reprezentativ e kombëtar janë”.

“Lojtarët kanë qenë stabil dihet Muriqi domethënë që është pjesa gjigante e një sulmuesi. Rrahmani dihet që është stabil jashtëzakonisht si gjithmonë”.

“Më vjen mirë që kemi fituar një futbollist të jashtëzakonisht të mirë Dellovën që na është dashur në atë pozicion”.

Sa i përket lojtarit që i ka lënë më së shumti përshtypje, Ademi tha se ai është padyshim Edon Zhegrova.

“Mund të them se përshtypje më së shumti ka lënë me gjithë karakterin e tij si futbollist Edon Zhegrova i cili realisht ka shpërthyer këtë vit”, ka thënë Ademi mes tjerash.

Për të gjitha këto dhe shumë të pathëna të tjera, Ademi i ka shpalosur të gjithat në podcastin “Arena e Yjeve” në Telegrafi.

Këtë podcast mund ta ndiqni në TV Dukagjini çdo të shtunë nga ora 17:10, ndërsa nuk do të ishte i mundur pa përkrahjen e sponsorëve tanë Patos, Dent Fix , Lasko, Pro Transport dhe Muqa Solar./Telegrafi/