Në një aksion të Policisë së Kosovës në veri dyshohet se kishte rrjedhje të informacionit. Prandaj mëngjesin e 10 tetorit të vitit të kaluar, në një aksion në veri policia e Kosovës nuk ia doli të arrestojë dhjetë persona që i kishte në cak.
Nga 18 persona që u kërkuan, vetëm tetë prej tyre përfunduan në pranga.
Shqetësimin për rrjedhje informacioni e kishte ngritur vetë drejtori i Policisë në konferencën pas aksionit.
Por rrjedhje të informacionit dyshohet se kishte pasur edhe në një aksion të policisë e doganës gjatë javëve të fundit në veri të vendit, raporton RTV Dukagjini.
Për këtë aksion të 25 dhjetorit, shqetësimet për rrjedhje informacioni i kishte shprehur vet ministri i Brendshëm, Xhelal Sveçla.
“Në një nga lokacionet është vërejtur infrastruktura por mungonin pajisjet për këtë veprimtari të jashtëligjshme. Duke marrë parasysh këtë fakt, Policia e Kosovës është duke zhvilluar hetime intensive për rrjedhje të informatës zyrtare”, kishte njoftuar Sveçla.
Nga Inspektorati Policor i Kosovës, thonë se janë duke bërë hetime në këtë drejtim por pa dhënë komente tjera.
Për Nuredin Ibishin, që një kohë ka qenë edhe pjesë e Policisë së Kosovës, rrjedhja e informacioneve mund të ketë pasoje për zyrtarët policorë apo doganorë që marrin pjesë në aksione.
“Rrjedhja e informacioneve pos dështimit të operacioneve mund të sjellë pasoja të rënda edhe për zyrtarët policorë dhe zbatues tjerë të ligjit siç janë doganierët apo zyrtarë tjerë shtetëror…Tashmë supozohet se ka përsëritje të rrjedhjes së informacioneve dhe duhet të merren patjetër masa për të kuptuar se nga ku po ndodh kjo rrjedhje e informacioneve”, deklaroi Ibishi, përcjell Telegrafi.
Ndërkohë për avokaten Fehmije Gashi-Bytyqi e cila poashtu ka qenë pjesë e strukturave policore, ruajtja e informacionit është e vështirë kur në operacione përfshihen struktura të ndryshme shtetërore.
“Në çështjet e sigurisë është i përfshirë edhe faktori ndërkombëtarë apo KFOR-i, që është mjaft e vështirë të fokusohen dyshimet në hetimin e rrjedhjes së informacioneve”, deklaroi Gashi-Bytyqi.
Ndryshe nga veriu, Policia e Kosovës për ruajtjen e informacionit po tregohet më efikase në aksionet ne jug të vendit ku së fundmi në operacionin “Brezovica” u arrestuan dhjetëra persona përfshirë edhe zyrtarë shtetëror./Telegrafi/
Promo
Reklamo këtuLufta Prigozhin - Putin
Më shumëNga Rubrika
Osmani: Liria e shtypit thelbësore për demokracinë – beteja kundër lajmeve të rreme dhe dezinformatave nuk ka qenë kurrë më urgjente
Bastisje në Kërçovë, arrestohen dy dilerë
Rënia e Kosovës për 19 vende në indeksin e “Reporterëve Pa Kufij”, reagimet e ambasadës gjermane dhe amerikane
Dënohet me 24 vjet burgim prizrenasi, e kishte dhunuar seksualisht një vajzë nën moshën 14-vjeçare
Mediat në Ballkan, politika, ndikimi dhe sulmet ndaj gazetarëve “Reporterët Pa Kufij” japin alarmin e shqetësimin
Dhoma e Tregtisë dhe Industrisë kërkon ndryshime urgjente në kalendarin e festave zyrtare - të mos pushohet në ditët e javës kur festat bien në vikend
Rama: Spitali i Kryeqytetit po bëhet, shumë shpejt projekti do të tenderohet
Gjilan, një person refuzon të ndalet para policisë - polici përmes xhamit ia merr çelësat dhe fikë veturën e tij
Mexhiti, Ahmetit: A është e vërtetë se keni bërë thirrje për bojkot të zgjedhjeve presidenciale
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe