Rritja e gjinjve te meshkujt mund të jetë shenjë e një gjendjeje të rëndë

Gjoksi i zmadhuar te meshkujt mund të tregojë një problem serioz shëndetësor që nuk duhet ta injoroni.

Domethënë, një ndryshim në gjoks mund të tregojë një problem me mëlçinë, një organ që kryen më shumë se 500 funksione të ndryshme në trupin tonë. Nëse mëlçia dëmtohet, ajo mund të prekë zona të tjera të trupit dhe në disa raste mund të çojë edhe në ndryshime të papritura në gjoks.

Një nga ndërlikimet e të ashtuquajturit mëlçia e dhjamosur është gjinekomastia, pra zmadhimi i indit të gjirit te meshkujt. Gjinekomastia shfaqet si pasojë e ndikimit të sëmundjes në nivelin e estrogjenit te meshkujt.

Lexo po ashtu Medikamentet mund të rrisin gjinjtë si te meshkujt

Estrogjeni është një hormon seksual i lidhur me zhvillimin dhe rregullimin e sistemit riprodhues të femrës dhe mund të shkaktojë rritjen e gjoksit si te femrat ashtu edhe te meshkujt.

Sëmundja e mëlçisë dhjamore është një nga sëmundjet që mund të shkaktojë zmadhimin e gjoksit te meshkujt.

Ka disa shenja që mund të tregojnë sëmundje të mëlçisë së dhjamosur dhe shumë njerëz përjetojnë simptomat e mëposhtme:

– Lodhje
– humbje e oreksit
– dhimbje në pjesën e sipërme të barkut
– ndjenjë e fryrjes
– të përziera
– urth
– kapsllëk ose diarre

Gjithashtu, mjekët paralajmërojnë se gjoksi i zmadhuar i mashkullit mund të sinjalizojë cirrozë, si dhe mëlçia thjesht të mos funksionojë siç duhet. /Telegrafi/