Rrëzimi i helikopterit, ja ushtarakët që humbën jetën (Foto/Video)

(E plotësuar)

Rrëzimi i helikopterit ushtarak pak pas mesditës në Liqenin e Shkodrës u ka marrë jetën dy personave, ndërsa një tjetër ka mbetur i plagosur.

Viktimat janë identifikuar si Florian Deliaj dhe Donald Hoxha, ndërsa i plagosuri Gerald Baramuca ndodhet në spitalin e Shkodrës.

Me anë të një njoftimi për shtyp, Ministria e Mbrojtjes njoftoi se helikopteri po kryente një fluturim stërvitor në përputhje me një program të planifikuar dhe të miratuar.

————————————–

Rrëzimi i helikopterit, raportohet për dy viktima (Video)

Të paktën dy persona dyshohet se kanë humbur jetën dhe një tjetër është plagosur si pasojë e rrëzimit të helikopterit në Malësinë e Madhe.

Kreu i Malësisë së Madhe Tonin Marinaj bën me dije se dyshohet për të paktën dy të vdekur, ndërkohë që banorët flasin për tre viktima. Mësohet se në bord kanë qenë tre persona dhe helikopteri është rrëzuar në liqenin e Shkodrës.

Mësohet se njëri nga viktimat është nxjerrë nga ujërat e liqenit ndërsa tjetri ende jo. Vetë ministrja e Mbrojtjes Mimi Kodheli pritet të shkojë në vendin e ngjarjes.

————————————-

Rrëzohet një helikopter në Shkodër (Video)

Një helikopter është rrëzuar mesditën e sotme në Shkodër.

News24 shkruan se ngjarja ka ndodhur në fshatin Grizhë të Malësisë së Madhe.

Ende nuk ka më shumë informacione mbi ngjarjen.