Me rreth 600 të ftuar, u shënua edicioni i 11 i manifestimit “Dita e Groshës” në Tearcë

Pas një pauze dyvjeçare për shkak të pandemisë, sot në Tearcë të Tetovës u mbajt edicioni i njëmbëdhjetë i manifestimit “Dita e Groshës”, i cili synon të promovojë produktin më të njohur bujqësor në rajon si dhe diversitetin etno-kulturor të zonë.

Vizitorët e këtij manifestimi, si çdo vit, patën mundësinë të ndjekin një program të pasur kulturo-artistik, i cili u mbyll me një drekë të përbashkët me fasule të sapopërgatitura.

“Çdo vit numri i vizitorëve rritet, këtë vit regjistroi diku rreth 600 të ftuar. Baza e eventit është e njëjtë, ne duam të promovojmë fasulet në një nivel më të lartë dhe në këtë mënyrë të ndihmojmë fermerët, mjaltëbërësit dhe shkollat ​​që kanë vendosur t’i kushtojnë një pjesë të punës së tyre kësaj kulture. Festimi i kësaj dite është i rëndësishëm në përpjekjen tonë për të ushqyer traditën e kultivimit të fasuleve”, tha Metin Mouaremi nga CED.

Të gjithë vizitorët patën mundësinë të shijojnë fasulet e përgatitura nga shefi i kuzhinës Mirko Gjorgjeski.

“Përgatisim rreth 40 kilogramë fasule, speca, patëllxhanë, qepë dhe karrota dhe mish. E veçanta e fasules së Tetovës është klima ku rritet. Këtu uji kualitativ dhe vlon më lehtë, ndërsa në disa vende jo edhe aq. Nëse këtu duhen tre orë për të vluar, në vendet tjera duhen dy herë më shumë”, tha Mirko Gjorgjevski nga Tearca.

Në festë morën pjesë dhe shoqëritë kulturore dhe artistike nga tre nacionalitetet shqiptare, maqedonase dhe turke që jetojnë në këtë rajon.

Përmes shtandeve, disa shkolla nga rajoni u prezantuan me produkte të ndryshme, ushqim të përgatitur, prodhime bujqësore si dhe bimë të mbjellura.