Sa herë që Bora Zemani merret në intervistë, nuk i shpëton asnjëherë pyetjes për divorcin e saj. Edhe pse kanë kaluar dy vjet, sërish kureshtja për të mësuar më shumë për atë periudhë mbetet e madhe.

Moderatorja e suksesshme ishte e ftuar në “E Diell” në Top Channel për të folur për projektet e reja televizive të saj, fëmijërinë, adoleshencën dhe jo vetëm.

“Janë dy projekte televizive që publiku do t`i pëlqejë shumë” u shpreh Bora, po prisni edhe pak sepse do të dalin shumë shpejt në ekran”.

Zemani u emocionua kur dëgjoi veten e saj në moshën trevjeçare duke recituar. “Mami im merrej me këto gjëra” rrëfeu ajo, “sa herë që unë recitoja ajo më regjistronte dhe e kisha harruar fare që ekzistonte një kasetë me zërin tim”, vijoi e përmalluar Bora.

Të gjitha lajmet nga Bora Zemani Të gjitha lajmet nga Bora Zemani

Edhe pse një natyrë çapkëne teksa ishte adoleshente, ajo nuk e ka pëlqyer kurrë të qenit në qendër të vëmendjes me pahir. Deshe, s’deshi, lajmi kur Bora shpalli divorcin mori dhenë. Por, çfarë mendon ajo për veten e saj?

“Sot pas dy vitesh, mendoj se nuk ka ndarje të thjeshta, aq më tepër kur bëhet fjalë për familje që ka dhe fëmijë në mes. Atë periudhë e kam vuajtur shumë”.

“Mund ta quaj edhe dështim nëse i referohem mënyrës sesi unë u edukova dhe e imagjinoja jetën. U zhgënjeva me veten sepse unë vetë jam rritur me një familje që janë marrë me dashuri e që po me të njëjtën dashuri, më kanë rritur mua dhe vëllanë”, ka rrëfyer Bora.

“Gjithmonë e kisha imagjinuar që edhe vetë do të kisha një familje si ajo që isha rritur, por ky ishte mësimi që mora dhe nuk është e thënë që gjërat të shkojnë gjithmonë sipas planeve të parashikuara” ka shtuar ajo.

Edhe pse e zhgënjyer nga kjo eksperiencë, Zemani beson ende te dashuria si një romantike e thekur që është, por vetëm se kjo dashuri e re duhet të marrë parasysh dhe praninë e Arborit në jetën saj se fundja, siç e tha dhe vetë moderatorja, ai është jeta e Borës.