Cristiano Ronaldo është plot vetëbesim pas hat-trickut të shënuar për Real Madridin në fitoren 6-1 ndaj Galatasaray në ndeshjen e mbrëmshme të Ligës së Kampionëve.

Dy ditë pasi nënshkroi marrëveshjen e re pesëvjeçare te klubi spanjoll, që e bëri lojtarin më të paguar në botë, 28-vjeçari festoi duke shënuar tre gola.

“Ju nuk mund të filloni më mirë. Të shënosh gjashtë gola është shumë mirë, kjo të jep vetëbesim. Ne po ia dalim mirë”.

“Ne deshëm të bëjmë një fillim të fuqishëm. Kundërshtari ishte i komplikuar por, pas golit, ne e kontrolluam gjithë ndeshjen”.

“Në disa minutat e para ata krijuan mundësitë më të mira, por ne u përgjigjëm shumë mirë. Ne luajtëm shumë mirë pas golit”, ka thënë Ronaldo. /Telegrafi/