Roma po mendon për zëvendësimin e Di Francescos – Sousa udhëheq, edhe disa emra interesant në listën e Monchit

Nëse Eusebio Di Francesco vazhdon me këto rezultate, atëherë Roma do të detyrohet të gjejë trajner të ri.

Më mediumet italiane kanë filluar vetëm të qarkullojnë emrat  që mund ta zëvendësojnë Eusebio Di Francesco.

Paulo Sousa shihet si favorit për të zëvendësuar trajneri, ndërsa ai po negocion me klubin Tianjin Quanjian për një ndërprerje të kontratës.

Tensioni është në rritje te Roma pasi sezoni ka filluar dobët, ndërsa dy ndeshjet e ardhshme të Serie A kundër Frosinones dhe Lazios, shihen si vendimtare.

Ish trajneri i Fiorentinës, Sousa është favoriti aktual, por në listë janë edhe disa emra të trajnerëve që janë të zotë në punën e tyre.

Vincenzo Montella, Antonio Conte, Roberto Donadoni, Gian Piero Ventura dhe Sinisa Mihajlovic, janë në listë po ashtu.

Kandidatura e Sousas shihet si më kryesore, pas lajmit që ai është duke negociuar mbylljen e kontratës me klubin kinez Tianjin Quanjian.

Trajneri portugez është në Kinë që nga nëntori i vitit 2017, por klubi aktualisht po noton në zonën e rënies me vetëm 27 pikë nga 23 ndeshje. /Telegrafi/