Rita Ora paralajmëron bashkëpunim me gjigantin e këpucëve “Giuseppe Zanotti”

Këngëtarja e njohur shqiptare me famë botërore, Rita Ora, ka treguar shpesh herë se përveç muzikës, është shumë e dhënë edhe pas modës.

Ajo është sipërmarrëse, pasi tash e sa vite ka të nxjerrë në treg linjën e saj të veshjeve “Roara Republic”, gjersa ka edhe një marrëveshje bashkëpunimi me “Rimmel”.

Tani së fundmi, ajo duket se është rrugës drejt lidhjes së një kontrate tjetër, kësaj here me firmën e famshme italiane të këpucëve, “Giuseppe Zanotti”.

Lajmin për këtë gjë e ka bërë të ditur vet Rita, teksa ka publikuar një fotografi me CEO-n e kësaj të fundit, në rrjetin social Instagram.

Lexo po ashtu Këngëtarët shqiptarë që u dekoruan me mirënjohje nga krerët e shtetit gjatë vitit 2018

“Së shpejti, GZ x Rita Ora – një bashkëpunim ekskluziv mes Giuseppe Zanotti dhe Rita Orës”, ka shkruar këngëtarja shqiptare në mbishkrimin e fotografisë.

https://www.instagram.com/p/BsZrplPHmLq/

E njëjta, ka mbajtur së fundmi një koncert në kuadër të platformës “Spotify”, ku ka argëtuar mijëra fansa në Las Vegas.

Vitin e kaluar, ajo shënoi një prej sukseseve më të mëdha në karrierën e saj, duke publikuar albumin e saj të dytë “Phoenix”, të cilin do ta promovojë me një tur koncertesh këtë vit. /Telegrafi/