Arijanet Muric pritet të largohet nga Manchester City gjatë afatit kalimtar veror.

Kampionët e Anglisë kanë vendosur që t’ia rinovojnë kontratën portierit të Përfaqësueses së Kosovës.

Kontrata aktuale e Muric me Cityn skadon në qershor të vitit 2020, ndërsa City është në bisedime të avancuara për t’ia vazhduar atë deri në vitin 2023.

Arijanet Muric. (Photo by Gareth Copley/Getty Images)

20-vjeçari me kontratën e re pritet të fitojë edhe një pagë shumë më të lartë se sa fiton aktualisht.

Paga aktuale e Muric te City është 429 mijë funte në vit, ndërsa sipas medieve angleze me kontratën e re, ai do të ketë pagë vjetore rreth një milionë funte.

Por Muric nuk do të mbetet te City për edicionin e ardhshëm edhe pse do të rinovojë kontratën.

Kampionët aktual të Anglisë besojnë në të dhe duan ta huazojnë për një vit që të luaj rregullisht.

Arijanet Muriqi (Foto: Gareth Copley/Getty Images/Guliver)

Nottingham Forest nga Championship është skuadra më e interesuar për shërbimet e Muric, mirëpo gara për të është më e lartë.

Daily Mail ka raportuar se në garë për lojtarin janë edhe disa skuadra tjera nga Championship, por City është duke pritur të vije një ofertë nga elita e futbollit anglez. /Telegrafi/