Ribashkohen Machine Gun Kelly dhe Megan Fox, çifti rindezin romancën gjatë pushimeve në Hawaii

Machine Gun Kelly dhe Megan Fox zyrtarisht po qëndrojnë së bashku dhe po ndihen më të fortë se kurrë pasi nisën një pushim ‘shërues’ në Hawaii, pas disa muajsh thashetheme për ndarje kur u tha se rockeri ishte i lidhur me kitaristen e tij, Sophie Lloyd.

Në fotot ekskluzive, aktorja 36-vjeçare dhe reperi 32-vjeçar i pop-punk-it, mund të shihen të kapur për dore në shëtitje të shumta romantike në plazh të enjten gjatë pushimeve të tyre piktoreske në Big Island të Hawaii.

Pavarësisht se dukeshin të tensionuar ditë më parë , një burim i afërt i çiftit thotë për DailyMail: “Ata janë rikthyer zyrtarisht pasi kaluan një problem të vështirë në marrëdhënien e tyre. Muajt ​​e fundit kanë qenë të vështira për të dy, por ata u larguan së bashku për të shëruar raportin e tyre dhe kjo ka funksionuar. Ata ndihen më të lidhur se kurrë”.

“Megan është jashtëzakonisht shpirtërore dhe beson se ai është shpirti i saj binjak. Ajo kurrë nuk do të hiqte dorë prej tyre, por ndjeu sikur duhej të kalonin pak kohë cilësore së bashku”, tha burimi, shkruan DailyMail.

Pushimet vijnë mes thashethemeve me muaj për ndarje dhe madje edhe pasi aktorja e “Transformers” hoqi unazën e saj të fejesës.

Megan ishte parë e vetme dhe duke mos mbajtur unazën e saj të fejesës në festën Oscar të Vanity Fair muajin e kaluar.

Më 13 shkurt, Megan dhe MGK dukeshin dukshëm të mërzitur ndërsa u larguan nga një zyrë këshillimi martese në

Kaliforni mes spekulimeve në rritje për ndarje dhe thashethemeve për tradhti në imazhet në atë kohë.

Edhe këtë javë çifti madje dukej i tensionuar vetëm disa javë pasi u raportua se ishin në një pushim me njëri-tjetrin.

Çifti u pa në fillim të festës së tyre shëruese dhe nuk shfaqen publikisht dashuri. Në fakt ata dukeshin mjaft të tensionuar teksa kishin ngrënë darkën në hotelin Four Seasons.

Pavarësisht, duket një hap më afër pajtimit pasi marrëdhënia e tyre ka qenë në trazira që kur Megan la të kuptohet për një ndarje në shkurt.

Ish-çifti darkoi për rreth një orë dhe madje u bëri dorë fansave përpara se të nisej për një shëtitje në plazh, sipas burimeve për TMZ .

Ndërkohë të dy u shfaqën në një front shumë më të bashkuar në daljet e tyre të fundit teksa u mbajtën për dore me dashuri ndërsa po zbrisnin në plazh.

Në një nga ato raste, Megan shfaqi barkun e saj të tonifikuar me bikini të zeza së bashku me një mbulesë të bardhë sipër.

Flokët e saj të kuq të sapolyer ishin në valëzim, të cilat i rrokulliseshin nga supet ndërsa ajo shfaqte pamjen e saj mahnitëse me grim theksues në fytyrë.

MGK veshi pantallona të shkurtra jeshile me imazhe UFO dhe shkronja të mëdha të theksuara mbi to.

Në një dalje tjetër, Megan kishte një kombinim të sipërm të zi të prerë dhe pantallona të kombinuar, ndërsa fundet shfaqnin prerje të mëdha në ijë.

Imazhet duken shumë të ngjashme me ato kur Megan dhe tani ish-bashkëshorti Brian Austin Green u kthyen tetë vjet më vonë në vendin e arratisjes së tyre në muajin e mjaltit në Hawaii në vitin 2018.

Është mjaft interesante që Brian e dërgoi të fejuarën e tanishme Sharna Burgess në Hawaii, ku u panë në një dalje shumë të ngjashme vite më vonë, në janar 2021.

Theksojmë që Megan dhe MGK u fejuan në janar 2022, çiftit thuhet se po flasin edhe për martesë. /Telegrafi/