Kanë përfunduar me sukses dhe pa asnjë ekses ndeshjet e vlefshme për javën e nëntë në BKT Superligën e Kosovës.

Gjatë të premtes dhe shtunës janë zhvilluar pesë ndeshjet e javës së tetë në kampionatin elitar kosovar, pasi e diela është llogaritur ditë e lirë shkaku i zgjedhjeve lokale në vendin tonë.

Të premten janë zhvilluar dy ndeshje, ku Ulpiana dhe Drita luajtën baras 1-1, ndërsa Drenica mposhti Feronikelin me rezultat të thellë 4-0.

Të gjitha lajmet rreth BKT Superligës së Kosovës Të gjitha lajmet rreth BKT Superligës së Kosovës

Sot (e shtunë) janë zhvilluar edhe tri ndeshjet tjera, ku Prishtina u mposht 2-1 në shtëpi nga Llapi, Gjilani dhe Ballkani luajtën baras 1-1, ndërsa Dukagjini fitoi si vendas 2-0 ndaj Malishevës.

Kështu, me ndeshjet e përfunduara sot, përfundon edhe faza e parë e BKT Superligës dhe lider nga kjo fazë është Drenica me 17 pikë, po aq sa ka edhe Ballkani i dyti.

Drenica e mbyll fazën e parë si lider i kampionatit

Në vendin e tretë vjen Gjilani me 14 pikë, Drita e katërta me 13 pikë, Malisheva e pesta me 12 pikë, ndërsa Prishtina dhe Feronikeli zënë vendin e gjashtë dhe shtatë me nga 10 pikë.

Në tri pozitat e fundit renditen Dukagjini dhe Llapi me nga nëntë pikë dhe Ulpiana në vendin e fundit me 7 pikë.

Më poshtë keni rezultatet dhe renditej tabelore të BKT Superligës së Kosovës. /Telegrafi/

View this post on Instagram

A post shared by Telegrafi Sport (@telegrafisport)