Ka qenë një mbrëmje jashtëzakonisht interesante në elitën e basketbollit amerikan NBA.

Skuadrat pretendente për titull të kampionit si Los Angelos Clippers, Brooklyn Nets, Milwaukee Bucks apo Philadelphia 76ers kanë pësuar humbje befasuese.

Fillimisht Dallas Mavericks ka mposhtur me rezultat të thellë prej 51 pikëve Los Angelos Clippers 124:73.

Humbje befasuese ka pësuar edhe Brooklyn Nets që është mposhtur në udhëtim te Charlotte Hornets me rezultat të ngushtë 106:104.

Nga ekipet pretendente është mposhtur edhe Milwaukee Bucks në udhëtim te New York Knicks me 20 pikë epërsi 130:110, ndërsa Philadelphia 76 është befasuar nga Cleveland Cavaliers që kanë triumfuar me 24 pikë diferencë 118:94.

Nga ana tjetër Los Angelos Lakers kanë vazhduar me fitore, ku në Staples Center kanë triumfuar me 36 pikë diferencë 127:91 ndaj Minnesotta Timberwolves.

Lakers ishin në këtë sfidë pa yllin e tyre Anthony Davies, mirëpo shkëlqeu Kyle Kuzma që e mbylli takimin me 20 pikë, tre kërcime e tre asistime.

LeBron James e përfundoi ndeshjen me 18 pikë, nëntë kërcime e pesë asistime.

Ndërkohë vlen të përmendet se me pikë dyshifrore e përfunduan ndeshjen edhe lojtarët tjerë si Horton-Tucker, Marc Gasol, Dennis Schroder e Harell. /Telegrafi/

Rezultatet:

LA Clippers – Dallas Mavericks 73:124

Charlotte Hornets – Brooklyn Nets 106:104

New Orleans Pelicans – San Antonio Spurs 98:95

Washington Wizards – Orlando Magic 113:120

Cleveland Cavaliers – Philadelphia 76ers 118:94

New York Knicks – Milwaukee Bucks 130:110

Chicago Bulls – Golden State Warriors 128:129

Indiana Pacers – Boston Celtics 108:107

Sacramento Kings – Phoenic Suns 100:116

LA Lakers – Minnesota Timberwolves 127:91