Regjisori Luc Besson akuzohet nga nëntë femra për ngacmime seksuale

Luc Besson, regjisori i cili ka punuar në disa nga filmat më të mëdha në historinë e artit të shtatë si “Professional”, “The Fifth Element” dhe “Nikita”, është akuzuar për abuzim seksual nga nëntë femra.

Katër gra e kanë akuzuar për ngacmimin seksual gjersa së fundi janë ankuar edhe pesë gra të tjera, shkruan The Hollywood Reporter. Sjellja e pashpjegueshme e francezit shkonte nga flirtimet deri në sulmet seksuale.

Një nga asistentet e mëparshme të yllit hollivudian pohon se ai e shantazhoi duke i kërkuar favore seksuale. Ajo gjithashtu tha se ishte e detyruar të kishte disa takime intime me të dhe se i dërgoi mesazhet me përmbajtje eksplicite.

Gjithashtu, dy punonjëse në studion filmike të producentit, “Cito du Cinema”, pretendon se për një periudhe të gjatë kohore ishte abuzuar seksualisht, ndërsa Karine Isambert, një nga punonjësit më me ndikim të teatrit bashkëkohor, tha se e kishte sulmuar në vitin 1995 në një dhomë hoteli në Francë.

Më parë këtë vit, aktorja Sand Van Roy ngriti një padi kundër Bessonit, duke thënë se e kishte përdhunuar. Artisti e mohoi këtë pretendim, por policia e Parisit po e heton ende këtë rast.

Lexo po ashtu Roy: Luc Besson më përdhunoi në një hotel pasi isha alivanosur

Disa muaj pas dorëzimit të aplikimit, një nga ndihmëset e 59-vjeçarit ka pohuar se njëzet vjet më parë ishte sulmuar seksualisht nga francezi.

Ndryshe, Besson si dhe përfaqësuesit e tij kanë zgjedhur të heshtin me rastin e këtyre akuzave. /Telegrafi/