Memphis Depay është prej kohësh duke u kërkuar nga Barcelona që e shohin si objektivin kryesor për repartin e sulmit.

Por gjiganti katalunas mund ta humbas holandezin nëse nuk përshpejton për transferimin e tij.

Së fundmi në garë për transferimin e tij është futur edhe rivali i Barcelonës, Real Madrid që është në kërkim të një sulmuesi.

Largimi i Luka Jovic ka lënë një boshllëk në repartin ofensivë të Los Blancos që synojnë afrimin e një sulmuesi.

E përditshmja spanjolle AS ka raportuar se kampioni në fuqi i Spanjës është ka biseduar me Lyonin për afrimin e lojtarit.

Lyon i ka bërë të qartë se dëshiron pesë milionë euro për ta lënë të lirë Depayn të largohet në janar, para që për Realin nuk janë problem.

Por problemi mbetet për ta bindur lojtarin i cili besohet se ka një marrëveshje personale me Barcelonën për t’iu bashkuar atyre në verë si transferim i lirë pasi i skadon kontrata me Lyonin.

Los Blancos janë të gatshëm ta transferojnë atë qysh në janar në La Liga, por vetëm duhet bindur lojtari për ta bërë një hap të tillë.

26-vjeçari këtë edicion ka shfaqur formë fantastike ku në 19 ndeshje ka realizuar 11 gola dhe ka dhuruar pesë asistime. /Telegrafi/