Reali ka një plan për transferimin e Joshua Kimmich

E ardhmja e Joshua Kimmich vazhdon të jetë e paqartë, nëse do të qëndrojë apo do të largohet nga Bayern Munichu.

Mesfushori gjerman është futur në vitin e fundit të kontratës dhe ai kërkohet nga shumë klube të mëdha evropiane.

Paris Saint Germain, Barcelona, Man City, Liverpool dhe Arsenal janë disa nga klubet e mëdha që kanë shprehur interesim për të.

Lexo po ashtu Kimmich i jep dritën e gjelbër gjigantit anglez për ta kompletuar transferimin e tij

Por në garë është edhe Real Madridi, megjithatë Los Blancos nuk duan transferimin e tij në këtë afat kalimtar veror.

Marca ka raportuar se drejtuesit e Realit kanë kontaktuar me agjentët e futbollistit duke i thënë që ai të qëndrojë deri në vitin e ardhshëm te Bayerni dhe të nënshkruajë me Realin.

Kampioni në fuqi i Evropës dëshiron që ta marrë gjermanin si transferim të lirë pa pasur nevojë të shpenzojë para për të.

Lexo po ashtu Zbulohen dy kushtet e Bayern Munichut për të shitur Joshua Kimmichin

Por vështirë që plani i Realit të funksionojë, pasi te Bayerni i kanë ofruar rinovimin yllit të tyre dhe i kanë bërë të qartë se nëse nuk rinovon atëherë do ta shesin.

PSG është skuadra më e interesuar dhe është gati të shpenzoj 50 milionë euro për transferimin e gjermanit në Parc de Princes. /Telegrafi/