Rasti i Agonis Tetajt, Lumezi kërkon nga kryeprokurori i Gjilanit që të ndërmarr masa ndaj prokurorit Agron Uka

Kryeprokurori i Shtetit, Aleksandër Lumezi ka kërkuar sot nga kryeprokurori i Prokurorisë Themelore në Gjilan, Arben Kadriu që të ndërmarr ndërmarr të gjitha veprimet e nevojshme sipas ligjit për përgjegjësinë disiplinore të gjyqtarëve dhe prokurorëve ndaj prokurorit, Agron Uka, lidhur me rastin e vrasjes së Agonis Tetajt nga Deçani.

Kështu është bërë e ditur përmes një njoftimi për media nga zyra e Kryeprokurorit të Shtetit.

“Zyra e Kryeprokurorit të Shtetit, njofton opinionin se pas veprimeve për ricaktimin e prokurorit të ri në rastin e vrasjes së Agonis Tetajt, si dhe kërkesës drejtuar trupit gjykues që të mos e shpallë shqyrtimin gjyqësor të përfunduar, por të marrë prova të tjera të nevojshme, të cilat do ta zbardhin tërësisht të vërtetën në këtë çështje penale-juridike, Kryeprokurori i Shtetit,
Aleksandër Lumezi, ka kërkuar nga Kryeprokurori i Prokurorisë Themelore në Gjilan, Arben Kadriu, si autoritet kompetent që të ndërmarr të gjitha veprimet e nevojshme sipas ligjit për përgjegjësinë disiplinore të gjyqtarëve dhe prokurorëve ndaj prokurorit, Agron Uka”, thuhet në njoftim.

Prokurori i Shtetit mbetet i angazhuar për zbatimin e ligjshmërisë ndaj secilit individ dhe veprimi të kundërligjshëm pavarësisht funksionit dhe pozitës së tij.

Ndryshe sot, Lumezi gjithashtu ka bërë të ditur se brenda kompetencave të tij do të ricaktoj një prokuror tjetër për rastin e vrasjes së Agonis Tetajt që kishte ndodhur në vitin 2018 në Deçan.

Lexo po ashtu Tri vjet nga rasti i Agonis Tetajt, Kryeprokurori i Shtetit ndërron sërish prokurorin e rastit

Kryeprokurori do të kërkojë nga trupi gjykues të mos e shpallë shqyrtimin gjyqësor të përfunduar, por të marrë prova të tjera të nevojshme, të cilat do ta zbardhin tërësisht të vërtetën në këtë çështje penale-juridike.

Ndryshe, ditë më parë kur parashihej t’i vinte fundi procesit të gjykimit të Shaban Gogajt lidhur me vrasjen e Agonis Tetajt, akuza e Prokurorisë ndryshoi.

Në fjalën përfundimtare në Gjykatën e Pejës, prokurori i rastit Agron Uka gjatë seancës së mbajtur para disa dite rikualifikoi veprën penale nga vrasje e rëndë në vrasje nga pakujdesia cila është më pak e dënueshme.

Lexo po ashtu Vrasja e Agonis Tetajt nga Deçani, babi i të ndjerit kërkon rigjykim pas lehtësimit të aktakuzës nga prokurori i rastit

Lidhur me këtë babai i të ndjerit Agonis Tetaj, Isuf Tetaj përmes një letre drejtuar institucioneve të drejtësisë dhe ambasadorëve të huaj në Kosovë ka shpreh shqetësimin e tij dhe frikën siç potencon ai për procesin e manipuluar lidhur me rastin e vrasjes së djalit të tij. /Telegrafi/