LAJMI I FUNDIT:

Raportimi për ngacmime seksuale në UP, Nagavci: Këshilli i Etikës të veprojë pa vonesa dhe në mënyrë meritore

Raportimi për ngacmime seksuale në UP, Nagavci: Këshilli i Etikës të veprojë pa vonesa dhe në mënyrë meritore

Ministrja e Arsimit, Arbërie Nagavci ka thënë se ditëve të fundit ka parë reagime të shumta në lidhje me denoncimin në Këshillin e Etikës të Universitetit të Prishtinës, të disa rasteve për pretendime të ngacmimeve seksuale.

Nagavci përmes një postimi në rrjetin social në Facebook ka thënë se rastet e pretenduara, me të drejtë paraqesin shqetësim, po aq sa edhe janë dëshmi se në Universitetin e Prishtinës tashmë janë krijuar kushtet e domosdoshme për raportim.

Profesori i dyshuar për ngacmim seksual po intervistohet në Rektorat nga Këshilli i Etikës
Lexo po ashtu Profesori i dyshuar për ngacmim seksual po intervistohet në Rektorat nga Këshilli i Etikës

“Rastet e pretenduara, me të drejtë paraqesin shqetësim, po aq sa edhe janë dëshmi se në Universitetin e Prishtinës tashmë janë krijuar kushtet e domosdoshme për raportim ashtu si dhe kërkesat e domosdoshme që secili pjesëtar i stafit akademik dhe punonjës të tjerë të UP-së, të udhëhiqen nga prirja, detyrimi dhe domosdoshmëria e pakontestueshme e respektimit të kodit të etikës, sjelljes akademike dhe kontributit për krijimin e një mjedisi të sigurt për të gjithë”, ka shkruar Nagavci.


Sipas saj, si ministre e Arsimit pret nga Këshilli i Etikës që pa vonesë dhe në mënyrë meritore të trajtojë këtë rast dhe të gjitha pretendimet e ngjashme për sjellje që bien ndesh me normat e kodit etik dhe kuadrin normativ.

“Po ashtu, pres nga UP dhe të gjitha institucionet arsimore, që të rrisin masat e parandalimit e të avancojnë mekanizmat e trajtimit konfident, të shpejtë dhe profesional të këtyre rasteve”, ka shkruar Nagavci në Facebook. /Telegrafi/

Në trend Lajme

Më shumë
Xhelal Sveçla nuk e konsideron të arratisur Enver Sekiraqën, i përgjigjet Faton Hajrizit

Xhelal Sveçla nuk e konsideron të arratisur Enver Sekiraqën, i përgjigjet Faton Hajrizit

Lajme
Regjistrimi i popullsisë, Prishtina dhe Fushë Kosova me familjet më të vogla - mesatarja katër anëtarë

Regjistrimi i popullsisë, Prishtina dhe Fushë Kosova me familjet më të vogla - mesatarja katër anëtarë

Lajme
Regjistrimi i popullsisë, në Prishtinë mbi 30 për qind e banesave dhe shtëpive janë të pabanuara

Regjistrimi i popullsisë, në Prishtinë mbi 30 për qind e banesave dhe shtëpive janë të pabanuara

Lajme
Pushime “të kripura” në jug të Shqipërisë, veriu ofron hartën me plazhet e lira

Pushime “të kripura” në jug të Shqipërisë, veriu ofron hartën me plazhet e lira

Lajme
Ish-kryetari i Apelit, Shala: Faton Hajrizi ka qenë i njohur për arratisje, dikush duhet të marrë përgjegjësi

Ish-kryetari i Apelit, Shala: Faton Hajrizi ka qenë i njohur për arratisje, dikush duhet të marrë përgjegjësi

Drejtësi
Vala e të nxehtit, në Kosovë kufizohet orari i punës për disa kategori

Vala e të nxehtit, në Kosovë kufizohet orari i punës për disa kategori

Lajme
Kalo në kategori