Deputetët e Kuvendit të Kosovës nga radhët e Grupit Parlamentar të Lëvizjes Vetëvendosje, Fitore Pacolli dhe Armend Muja kanë folur për Raportin e Progresit të Komisionit Evropian (KE) për vitin 2022.
Pacolli përmes një konference për media tha se është raporti i parë ku nuk raportohet për ndërhyrje politike në transmetuesin publik dhe në agjencitë e pavarura.
“Ky është raporti i parë ku nuk evidentohen ndërhyrje politike dhe ndikim politik në sistemin e drejtësisë, administratës publike, në agjencitë e pavarura dhe në transmetuesin publik. Raportohen zero ndërhyrje politike”, ka thënë ajo.
Sipas saj, nga qershori i këtij viti 2021 deri në qershor të vitit 2022 janë miratuar gjithsej 123 ligje, në mesin e tyre edhe 31 marrëveshje ndërkombëtare.
Ajo po ashtu u shpreh se është përfunduar edhe rregullorja e Kuvendit të Kosovës, e cila siç tha ajo nuk është ndryshuar që nga viti 2011.
“Kemi përfunduar rregulloren e Kuvendit, e cila nuk është ndryshuar që nga viti 2011 dhe kemi filluar reformën zgjedhore”, tha Pacolli.
Ajo po ashtu tha se përkundër faktit që Kosova në dialog me Serbinë paraqitet si palë konstruktive, në raport thuhet ndryshe.
Pacolli u shpreh se në raport i është bërë një kritikë e butë Serbisë, edhe pse Serbia ka bërë dhe bën shumë shkelje.
“Raporti ka një kritik të butë, nuk dënon ndaj Serbisë, apo tërheq vërejtën për qasjen e saj pro ruse dhe provokimet e rrezikshme ndaj saj në vendet e rajonit. Në të njëjtën mënyrë nuk përmend fare rrëshqitjen e Serbisë drejt autokracisë, shkeljen e të drejtave të njeriut dhe minoriteteve, mungesën e lirisë së shprehjes, ndërhyrjen politike në drejtësi dhe media, mungesën e vullnetit të Serbisë për tu ballafaquar me të kaluarën, dënimet e krimeve të luftës dhe ndëshkimin e kriminelëve të luftës. Përkundër gjithë këtyre Serbisë asnjëherë nuk i kërkohet që të ndryshojë sjellje dhe të ndaloj provokime të rrezikshme dhe ndërhyrjet në shtetet fqinje. E njëjta qasje aplikohet dhe në raportin Kosovë-Serbi… përkundër faktit që pala kosovare ka qenë konstruktive nga fillimi dhe gjithmonë Komisioni Evropian padrejtësisht i kërkon vetëm Kosovës që të angazhohet në mënyrë konstruktive në dialog. Derisa Kosova po bën hapa gjigant drejt thellimit të demokracisë, Serbia po rrëshqet drejt autokracisë”, u shpreh Pacolli.
Ndërsa, deputeti i LVV-së Armend Muja tha se në këtë raport nuk adresohen ndërhyrje politike.
“Në Kosovë janë kaluar disa ligje të rëndësishme sa i përket asaj që ne i kemi thënë ç’kapja e shtetit. Në raport nuk adresohet ndërhyrje politike tek kapja e shtetit, apo ndonjë qasje klienteliste përmes adoptimit…..Kjo mund të jetë hera e parë. Një tjetër që i adresohet është dhe RTK-ja, mënyra se si është adresuar, shkarkimi i bordit të RTK-së. E dyta kalimi i ligjeve të tjera të rëndësishme që në vitet e fundit nuk kanë mundur të kalohen. Në vitin 2008 janë kaluar 58 ligje, ndërsa gjatë këtij viti janë kaluar 87 ligje”, ka thënë Muja.
Muja tha se në këtë raport nuk evidentohen edhe sjelljet e fundit të Serbisë ndaj Kosovës, duke vënë në rrezik sigurinë e Kosovës.
“Gjatë kohës që mbulon ky raport, ka pas ngritje të avionëve në kufijtë e Kosovës, ka pas kërcënime të vazhdueshme ndaj sigurisë së vendit tonë, ka pas një sjellje apo bashkëpunim mes Serbisë dhe Rusisë e cila nuk evidentohet në këtë raport, as tek Ballkani Perëndimor e as tek raporti për Serbinë”, tha ndër të tjera Muja. /Telegrafi/
Lufta Prigozhin - Putin
Më shumëNga Rubrika
Kuvendi i Maqedonisë përmbyll mandatin pa miratimin e projektligjit për listat e zeza
Aktivitete nga Serbia për sulm “hibrid” ndaj Kosovës, “Octopus”: Urgjentisht të koordinohen veprimet me ndërkombëtarët
Publikohet agjenda, debati për anëtarësimin e Kosovës në KiE më 18 prill
Pse Mali i Zi votoi kundër Kosovës në KiE, flet Dritan Abazoviq
E mohoi në Kuvendin e Serbisë, por Goran Rakiq ishte betuar si ministër në Kuvendin e Kosovës
Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave
Si do të mund t'i drejtohen kosovarët Gjykatës së Strasburgut?
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
PDK voton kryesinë e re - pësojnë ndryshime në pozita disa prej figurave të njohura të kësaj partie
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes