Ranieri flet pasi fitoi ndaj Interi duke ia rrezikuar titullin, tregon se kujt ia kushton fitoren 

Pas fitores 1-0 ndaj Interit, trajneri i Romës , Claudio Ranieri ka dhënë një intervistë, ku triumfin ia ka dedikuar tifozëve romanistë.  

 Fitore që ktheu Napolin në krye me 74 pikë, ndërsa Interi pas dy humbjeve radhazi është i dyti me 71 pikë. 

Roma tani ka 60 pikë në vendin e gjashtë, duke rritur gjasat për një vend në Ligën e Kampionëve. 

“Ne ia kushtojmë këtë fitore tifozëve tanë. Ata nuk mundën të vinin dhe ne vërtet donim t’i bënim krenarë. Ne donim të fitonim dhe erdhëm këtu me dëshirën dhe vendosmërinë për të fituar”. 

“Mendoj se 30 minutat e para ishin shumë të mira. Në fund të fundit, ne po luanim kundër Interit, kështu që sigurisht që ata u përshtatën më vonë, por ne vepruam shumë kohezivisht, duke u përpjekur të mbulonim të gjitha mundësitë që ata u përpoqën të krijonin”. 

“Jam shumë i lumtur për tifozët dhe për lojtarët – për sakrificat që bëjnë. Nuk ishte e lehtë: ne kurrë nuk kemi mundur një skuadër të lartë më parë, dhe këtu fituam kundër një kundërshtari, forca e të cilit dihet mirë”.  

Lexo po ashtu Roma shokon Interin në Giuseppe Meazza: Hap i madh i Giallorosëve për një vend në Ligën e Kampionëve

“Kështu që ne jemi vërtet të lumtur. Por tani duhet të ecim përpara. Përpara është Fiorentina, dhe ne tashmë po mendojmë për këtë ndeshje. Është gjithashtu një skuadër e mirë”, deklaroi Ranieri. /Telegrafi/