Rangers është shpallur sot (e diel) edhe zyrtarisht kampion i sezonit 2020/21 në Superligën e Skocisë.

Ekipi i drejtuar nga Steven Gerrard ka kurorëzuar tashmë një super-sezon, duke u shpallur më i miri i ligës.

Shpallja e Rangersit kampion i ri i Skocisë erdhi sot (e diel) pasi ndjekësit më të afërt, Celticu barazoi 0-0 me Dunnde.

Rangers afër titullit historik, lojtarët festojnë me tifozët jashtë stadiumit pas fitores kundër St. Mirren Rangers afër titullit historik, lojtarët festojnë me tifozët jashtë stadiumit pas fitores kundër St. Mirren

Ky trofe për Rangersin vjen pas plot 10 viteve dhe është i 55-ti në histori të klubit dhe disa gjiro pa përfunduar sezoni i rregullt.

Në 32 ndeshje të zhvilluara deri tani këtë sezon, Rangers janë të pamposhtur me 28 fitore dhe 4 barazime.

Vlen të theksohet se gjiganti skocez udhëhiqet nga legjenda angleze e Liverpoolit, Steven Gerrard, i cili ka arritur ta ngrit klubin brenda dy viteve. /Telegrafi/