Real Madrid ka pësuar humbje të rëndë në El Clasico.

Barcelona u tregua shumë e mirë se mbretërit në Nou Camp duke e mposhtur me rezultat 5-1.

Kjo ka bërë që të flitet edhe për shkarkimin e trajnerit spanjoll, Julen Lopeteguit, i cili ka pranuar se humbja i faturohet atij.

Sergio Ramos dhe Thibaut Courtois (Getty Images)

Pas takimit ka folur kapiteni i skuadrës, Sergio Ramos, i cili tërthorazi ka pohuar se do të ketë ndryshime në stafin teknik.

“Ne jemi të vdekur për trajnerin, vendimi është marrë”, tha spanjolli duke shtuar se “Ne duhet të presim, ata nuk kanë thënë ende asgjë, ne duhet të reflektojmë dhe të kemi kokat e ftohta”.

“Ne duhet t’i respektojmë vendimet që janë bërë nga lart, është koha për t’u bashkuar. Ata po largohen për sa u përket pikëve dhe ne duhet të kthejmë një faqe të re”.

Pritet shkarkimi i Lopeteguit gjatë ditës së hënë, Conte rrugës për Madrid Pritet shkarkimi i Lopeteguit gjatë ditës së hënë, Conte rrugës për Madrid

“Kjo nuk është koha për të fajësuar dikë, por ka shumë gjëra për të reflektuar. Gjithmonë kam pasur marrëdhënie të mira me të gjithë trajnerët. Është më mirë të qëndrosh mënjanë sepse janë situata delikate. Respekti fitohet dhe nuk imponohet. Ka trajnerë me të cilët kemi fituar tituj”, tha ai.

Pas kësaj, Reali mbetet shtatë pikë pas liderit të ligës elitare spanjolle, Barcës. /Telegrafi/