Kryeministri i Shqipërisë, Edi Rama i është drejtuar sot Kryetarit të Partisë Demokratike, Sali Berisha duke i kujtuar se ai është shpallur i padëshiruar nga Shtetet e Bashkuara të Amerikës. 

Gjatë fjalës së tij në kuvend, Rama tha se së shpejti kryedemokrati do të shpallet non-grata edhe nga Mbretëria e Bashkuar.

“Oqeani iku, tani ikën Gjibraltari, Kanali i la Manshit, mbyllet kontinenti”, ka thënë Rama, duke iu drejtuar Berishës.

Rama i ashpër me opozitën: Ju jeni thika në shpinën e Kosovës, i keni hapur rrugën raportit të Dick Marty-t Rama i ashpër me opozitën: Ju jeni thika në shpinën e Kosovës, i keni hapur rrugën raportit të Dick Marty-t

“Si mund ta katandisni ju gjithë atë lëvizje demokratike, gjithë atë histori, në thesin me kocka të një të vdekuri (Sali Berisha) që sillet si i gjallë dhe vjen vërdallë”, Rama.

Reklama

Rama ka ngritur gishtin sot kundër opozitës, duke e akuzuar atë se po përdorë projektrezolutat për gjenocidin në Srebrenicë dhe Kosovë për përfitime politike të momentit.

Reklama

Gjatë fjalës së tij sot në Kuvend në ditën e votimit të rezolutës kundër raportit të Dick Marty-t, Rama e akuzoi Partinë Demokratike se i ka ngulur thikën në shpinë Kosovës. /Telegrafi/