Një pjesë e trashëgimisë industriale britanike sot është bërë “rrafsh me tokë”, ku shumë qytetarë u mblodhën për ta ndjekur nga afër shpërthimin e kontrolluar dhe demolimin e fabrikës së çelikut që u ndërtua 170 vite më parë.

Redcat Blast Furnace, u shkatërrua përmes një shpërthimi të kontrolluar – duke bërë që të ngritet re e madhe tymi, transmeton Telegrafi.

Kjo fabrikë ishte e fundit në mesin e 100 tjera që ishin ndërtuar përgjatë lumit Tees në fund të vitit 1800, që dikur kishte sloganin “ndërtojmë botën”.

Kompania Dorman Long përdori çelikun e saj për ndërtimin e urës Sydny Harbour në vitin 1932, Tyne më 1928 si dhe Lambeth në Londër e Chien Tang në Kinë.

Reklama

Pasi autoritetet lokale lajmëruan se do të demolojnë këtë objekt të vjetër për t’ia hapur rrugën ndërtimit të një fabrike të re moderne, shumë qytetarë u mblodhën për ta ndjekur nga afër këtë proces.

Reklama

Më poshtë ju sjellim videon që shfaq momentin kur objekti gjigant për pak sekonda “zhduket”, sikur të mos kishte ekzistuar kurrë dhe ngritet një re tymi. /Telegrafi/