Që nga ndarja me Kimin, Kanye Westit nuk po i ecin mirë lidhjet – pas Irina Shaykut ndahet edhe nga 22 vjeçarja Venetria

Kanye West dhe modelja Venetria i kanë dhënë fund lidhjes së tyre jetëshkurtër.

Reperi 44-vjeçar dhe modelja 22-vjeçare shkuan në rrugët e tyre të ndara pasi ishin lidhur vetëm për disa muaj, raportoi të martën Page Six.

Ndarja vjen pas lutjes së Kanye-t për ish-gruan e tij, Kim Kardashian, që të ‘kthehej’ tek ai në koncertin e tij të fundit me reperin Drake, pavarësisht se 41-vjeçarja nuk tregoi shenja të ngadalësimit të procedurave të tyre të divorcit, shkruan DailyMail.

Marrëdhënia e reperit të hitit “Runaway” me Vinetrian u raportua për herë të parë në nëntor dhe një burim i tha Page Six në atë kohë se ata ishin ‘lidhur për një kohë’ deri atëherë.

Çifti u pa së bashku në Minneapolis në ndeshjen debutuese të basketbollit nga ekipi i tij i ri i shkollës përgatitore të Donda Academy kur lidhja e tyre u bë publike.

Kanye – i cili ligjërisht ka ndryshuar emrin e tij në Ye – nuk e ndjek më Vinetrian në Instagram, megjithëse ajo ende e ndjek atë.

Para romancës së tyre të shkurtër, ai ishte i lidhur me një modele tjetër, Irina Shayk, megjithëse edhe kjo lidhje u prish pas një kohe të shkurtër.

Modelja nuk duket se i është referuar krijuesit të hiteve në Instagram, ku ajo krenohet me 451 mijë ndjekës, megjithëse ajo e uroi ish-kunatën e tij Kourtney Kardashian për fejesën e saj me Travis Barker në tetor.

Më 3 nëntor, ditë përpara se të zbulohej lidhja e saj me Kanye-n, Vinetria shkroi në Twitter: “Unë të dua”, edhe pse ajo nuk e veçoi objektivin e personit që ia dedikonte postimin.

Ajo më parë shkroi më 19 tetor: “Të dua më shumë se çdo gjë”.

Por edhe pse marrëdhënia e saj me reperin e hitit “Monster” duket se është zhvilluar, ai ende po kërkonte publikisht një pajtim me Kimin.

Në intervistën e tij të gjerë nga 4 nëntori për Drink Champs, Kanye iu referua Kimit si ‘gruaja’ e tij në kohën e tashme dhe pretendoi se ai nuk ishte divorcuar ende prej saj, ndërsa kritikonte monologun e saj në Saturday Night Live, i cili prekte divorcin e tyre.

Kohët e fundit, reperi tha në një nga këngët e tij në koncert: “Kam nevojë që të vraposh menjëherë tek unë, më konkretisht Kimberly”, duke lënë të kuptohet se dëshiron rikthimin te Kimi.

Deri më tani, ylli i “Keeping Up With The Kardashians” duket se po i injoron lutjet publike të ish-it të saj dhe ajo nuk ka hequr dorë nga marrëdhënia e saj e re me Pete Davidson.

Të shtunën, çifti i ri u pa duke mbërritur në një kinema në Staten Island rreth orës 18:00, për të kapur një shfaqje të filmit kriminal të Lady Gagës, “House Of Gucci”, pasi Pete mori qira një kinoteatër vetëm për ta parë atë i vetëm me Kim, thueht sipas TMZ. /Telegrafi/