“Puthja e vdekjes” – tifozët e United besojnë në ‘mallkimin’ e Weghorst te penalltia e humbur nga March

Mbështetësit e Manchester United po përshëndesnin “puthjen e vdekjes” së Wout Weghorst si arsyen e fitores së tyre gjysmëfinale të FA Cup ndaj Brightonit.

Pas 120 minutash të tensionuar, ndeshja shkoi në penallti, pasi dy skuadrat nuk ia dolën të shënonin në kohën e rregullt dhe në vazhdime në Wembley.

Victor Lindelof ishte heroi teksa vulosi një fitore 7-6 me penallti. Alexis Mac Allister shënoi i pari për Brighton, Pascal Gross ndoqi atë shembull, Deniz Undav shënoi të tretin, Pervis Estupinan shënoi me qetësi golin e katërt dhe kapiteni Lewis Dunk shënoi penalltinë e pestë.

Casemiro shënoi penalltinë hapëse të United, Diogo Dalot realizoi po ashtu me sukses, Jadon Sancho goditi të tretën, Rashford shënoi të katërtin dhe Marcel Sabitzer plotësoi pesëshen perfekte për United për ta dërguar në penalltitë e fundit.

Adam Webster ishte i pari për Brightonin në pjesën e dytë të penalltive dhe dërgoi David De Gean në anën e gabuar dhe Wout Weghorst bëri të njëjtën gjë për ekipin e Erik ten Hag.

Solly March më pas mori përgjegjësinë për penalltinë e shtatë për Brightonin, por dështoi – duke e lënë Victor Lindelof të ecë përpara dhe të rezervojë vendin e United në finale e Wembleyt kundër Manchester City.

Megjithatë, tifozët vunë re se Weghorst kishte puthur topin pasi shënoi, teksa e dorëzoi atë në duart e March që dështoi të shënonte më pas.

Një tifoz shkroi në Twitter: “Weghorst puthi topin dhe lojtari i Brightonit e humbi penalltinë!!!”.

Një tjetër tha: “Ajo puthje është më e rëndë se vdekja”.

Një tifoz tjetër tha: “Weghorst bëri pak magji me puthjen e topit”.

Ndërsa një tjetër shkroi: “Wout Weghorst dha puthjen e vdekjes përpara se Solly March ta gjuante penalltinë”.

Ndërsa një tjetër ra dakord, duke thënë: “Ne e fituam këtë lojë për shkak të puthjes së vdekjes të Weghorst”.

United tani do të përballet me Cityn në Wembley në finale më 3 qershor. /Telegrafi/

Ten Hag ball again, brought on Weghorst to deliver the kiss of 💀pic.twitter.com/qcyMg6nF8A

— Mufc🇶🇦✍🏾 (@UTDKenny_) April 23, 2023