PSG barazon rekordin e Real Madridit në Ligën e Kampionëve me numrin e golave të shënuara

Paris Saint-Germain e ka barazuar rekordin e Real Madridin me numrin e golave të shënuara në Ligën e Kampionëve.

Pasi e eliminuan Atalantan, skuadra franceze arriti të bënte të njëjtën gjë edhe ndaj Rasenball Sport Leipzigut, duke kaluar kështu në finale të garës më të madhe për klube në Evropë.

Mbrëmë për skuadrën nga Ligue 1 shënuan Marqunihos, Angel di Maria dhe Juan Bernat.

Me këto gola, PSG tani ka 34 sosh në ndeshjet evropiane, që nga vitit 2016 – atëherë kur nuk kishin arritur të shënonin ndaj Manchester Cityt, ku ishin eliminuar 1-0 në çerekfinale me rezultat 1-0.

Real Madridi ishte klubi i vetëm që kishte arritur të shënonte 34 gola, me këtë gjë që u arrit nga viti 2011 deri në vitin 2014 në Ligën e Kampionëve.

Los Blancos e kishin dominuar më pas garën më të madhe për klube, duke e fituar tri herë radhazi, mirëpo rekordin e madh e arritën vite më parë.

PSG tani do të tentojë të fitojë Ligën e Kampionëve, derisa sonte do të mësojë kundërshtarin nga dueli Bayern Munich – Lyon. /Telegrafi/