Pse nuk ishe në protestë?
Thuaja se gjithmonë ke qenë kundër pushtetit, por jo edhe atëherë kur ai udhëhiqej nga ata që ishin zgjedhur drejtpërdrejt nga ana e popullit. Gjithmonë ke qenë kundër padrejtësive, dhe i tillë do të mbetesh përgjithmonë. Asnjëherë në jetën tënde nuk e ke duruar padrejtësinë, qoftë e vogël apo e madhe që të është bërë. Nëse ajo padrejtësi të është bërë nga njerëz të një kombi tjetër apo të ndonjë pushteti tjetër, ke ditur të reagosh zëshëm, madje edhe atëherë kur je kërcënuar me burgim, me izolim, madje edhe me rrahje. Jam i bindur se sot, pas 14 vjetësh qëkur pushtuesi ka ikur nga shteti yt, ti nuk ke besuar dot se ai që të udhëheq do të jetë në thumbin e kritikave gati për gjithçka. Sot, kur ndoshta i madh e i vogël ishin në protestë, ti këtë herë zgjodhe heshtjen dhe nuk iu bashkove të gjithë atyre që protestuan edhe për ty. A mendove se ata do ta kryejnë “argatin” tënd?
Nëse ke menduar kështu e ke gabim, madje shumë gabim. Ti, që ne të thoshim guximtar i të gjitha kohëve, pse heshte kur shumëkush nga të gjitha anët e Kosovës gjetën kohë dhe bënë mund të protestojnë, jo vetëm për faturat e KEK-ut… Se, po të ishin vetëm këto do t’ia bënim çaren disi, edhe unë edhe ti, edhe ai që vjen nga skaji më i largët I Kosovës, edhe Arta Dobroshi, xhepi i së cilës i përballon me lehtësi të gjitha.
Këtë herë ti nuk ishe në protestë, jo për faktin se ndoshta dikush ka menduar se pajtohesh me të gjitha faturat, por për faktin se zgjodhe heshtjen për të parë nëse pushteti i tashëm do të bëjë edhe reagimin më të vogël. Dhe, reagimi erdhi. Ministri i Zhvillimit Ekonomik, kishte parë me sytë e tij se në këtë protestë kishte njerëz që nuk i kishin faturat e fryra. Por, si kishte mundur t’i identifikonte ai individët e tillë. Në protestë nuk ishte, apo ai i ka pasur “argatët” e tij të infiltruar në protestë, të cilët, për t’ia bërë qejfin shefit të tyre, ende pa përfunduar ajo ia kishin dhënë selamin, duke i thënë: pamë shumë njerëz që nuk bisedonin për fatura. Por, për çka do të mund të kishin biseduar protestuesit, pos për faturat dhe për fukarallëkun që e ka katandisur këtë vend.
Sigurisht se në këtë protestë nuk ishe ti. Andaj, ne ta vumë një mungesë, e nëse në ditën tjetër të protestës mungon përsëri, ne nuk do të të quajmë më guximtari i të gjitha kohëve. Por, edhe një gjë ti duhet ta kesh të sigurt: më nuk protestojmë për ty, prandaj edhe mos gabo në të ardhmen t’ua bësh “fytyrën për pesë pare pushtetarëve”, siç ua ke bërë shumë vjet më parë, atëherë kur vetëm ata që e donin shumë kombin e tyre reagonin ndaj padrejtësive të mëdha. Sot, kur pushtetin e kanë tanët, zgjohu edhe ti, se nuk i kemi punët aq mirë sa mendon dikush. Zgjohu ti, bashkë me të gjithë ata që në shtëpitë e tyre ankohen para anëtarëve të tjerë të familjes për koston e lartë të jetesës, se ata nuk kanë faj që ti, unë dhe ai tjetri marrim rroga me tri shifra, që numri i tyre i parë të shumtën e herëve është një, te disa dy e te disa nuk e kalon treshin…
Lufta Prigozhin - Putin
Më shumëXhensila Myrtezaj rrëzohet në skenë, në nisje të performancës: Uroj të mos e keni kapur këtë
Një javë më parë rusët kryen një sulm me tanket e modifikuara në Donetsk, kësaj radhe ukrainasit përgatitën një pritë për ta
Një yll tek Bayerni, tjetri tek Barcelona – dy ekipet po përgatiten për një marrëveshje të madhe shkëmbimi
“Kontrata duhet respektuar” – Jetmirin e kap frika e produksionit, pas deklaratave që kishte dhënë?
Vetëm 12 minuta lojë, Vedat Muriqi realizon gol ndaj Cadizit
Ekipet e reja për mbledhjen e mbeturinave, Rama njofton se janë sulmuar fizikisht punëtorët në lagjen Dardania
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur