Procedura për qeverinë teknike nuk ka ndryshuar, thonë nga kabineti i Talat Xhaferit
Orari i aktiviteteve në Kuvend, i cili më herët është ndarë, mbetet i pandryshuar, kumtuan nga kabineti i kryetarit të Kuvendit Talat Xhaferi pas koordinimit të sotëm, pa dhënë detaje se si do të zhvillohen përgatitjet për themelimin e qeverisë teknike.
Sipas paralajmërimeve pas koordinimit të parë më 9 janar, përgatitjet për Qeverinë teknike duhet të fillojnë sot dhe të përfundojnë me votim të dielën më 28 janar. Në koordinimet me Xhaferin rregullisht nuk marrin pjesë përfaqësuesit e OBRM-PDUKM-së, ndërsa tani edhe përfaqësuesit e opozitës shqiptare, e cila e bojkoton Kuvendin për shkak se nuk u pranua kandidati i tyre për anëtar të Komisionit Shtetëror të Zgjedhjeve.
“Në periudhën prej 22 deri më 28 janar në seancat plenare do të kryhen këto procedura: konstatimi i dorëheqjes së Kryetarit të Qeverisë dhe Kryetarit të Kuvendit, zgjedhja e kryetarit të ri të Kuvendit, njoftimi i presidentit të shtetit për caktimin e mandatit të kryetarit të ri të Qeverisë, zgjedhje e Qeverisë, ministrave, zëvendësministrave dhe zëvendësministrave shtesë, si dhe konstatimin e përfundimit të mandatit të deputetit dhe verifikimin e mandatit të një deputeti të ri në Njësinë Zgjedhore 5. Për të gjitha aktivitetet dhe afatet e sakta do të informojmë me kohë”, theksuan në atë kohë nga Kuvendi.
Sipas informacioneve nga shumica parlamentare, dorëheqjet e kryeministrit Dimitar Kovacevski dhe kryetarit të Kuvendit Xhaferi duhet të bëhen në ditët para seancës së re të Kuvendit të caktuar për të premten, më 26 janar, kur do të konstatohen dorëheqjet dhe do të zgjidhet kryetari i ri i Kuvendit Jovan Mitreski, koordinator aktual i grupit parlamentar të LSDM-së. Zgjedhja e Qeverisë teknike duhet të bëhet të dielën më 28 janar.
Burime parlamentare bëjnë të ditur se deklaratat e fundit të kryeministrit Dimitar Kovaçevski dhe BDI-së dhe paralajmërimet e OBRM-PDUKM mund të ndryshojnë rrjedhën e aktiviteteve të parapara formale juridike lidhur me qeverinë teknike. Në informimin e shkurtër të sotëm pas koordinimit, nga Kabineti i kryetarit të Kuvendit theksohet se gjithashtu se në lidhje me deklaratat nga partitë politike, Xhaferi nuk komenton deklarata partiake.
Kryeministri Dimitar Kovaçevski pas paralajmërimit të OBRM-PDUKM-së se nuk do të votojnë për kryeministrin teknik, për fundjavë deklaroi se vendet të cilat me ligj i takojnë opozitës në qeverinë teknike duhet të mbeten bosh derisa OBRM-PDUKM nuk voton për atë qeveri.
Nga OBRM-PDUKM, nga ana tjetër, informojnë se mbeten në qëndrimin të mos votojnë për kryeministrin teknik. Emrat e ministrave dhe zëvendësministrave do të publikohen këtë javë.
Edhe nga Bashkimi Demokratik për Integrim, sipas paralajmërimeve, nuk do të përkrahin propozimet për ministra në qeverinë teknike që vijnë nga radhët e OBRM-PDUKM-së. Me një qëndrim të ngjashëm ka dalë dje edhe Partia Liberal Demokratike.
Qeveria teknike nuk do të mbështetet nga Lidhja demokratike, sipas të cilës shumica parlamentare duhet të sigurojë 61 deputetë dhe të votojë për qeverinë teknike.
Lufta Prigozhin - Putin
Më shumë"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
Politikani serb: Kam bërë padi në GjND për krimet serbe ndaj shqiptarëve të Kosovës
BE reagon për draft statutin e paralajmëruar nga Kosova për Asociacionin
Kushtëzimi i Kosovës për në KiE, eurodeputeti gjerman, Butikofer: Gabim i keq i Qeverisë gjermane
Flet shqiptari që vrau gruan: Nuk pendohem, hante me paratë e mia dhe më tradhtonte
Rama i përgjigjet deklaratave të Vulin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë