0Shares

Klubi kryeqytetas, Prishtina 01 dhe ai nga Gjakova, Libruni, do të ndeshen mes vete në finalen e madhe të Kupës së Kosovës në futsall.

Prishtina 01 ka bërë një arritje të jashtëzakonshme duke kapur finalen e madhe të Kupës së Kosovës.

Kjo arritje e klubit kryeqytetas vjen vetëm gjashtë muaj pas themelimit të klubit nga disa djelmosha që ka vite që luajnë në sportin e futsallit.

Deri të finalja, Prishtina 01 erdhi pas fitores së thellë në udhëtim ndaj Vitisë me rezultat 7-2.

Prishtina 01 është e përbërë e gjitha nga djem që vijnë nga kryeqyteti

Në këtë fitore historike të skuadrës kryeqytetase, Shefki Kamberi shënoi tri herë, Oso Gjinovci dy herë dhe nga një herë Korab Muharremi dhe Agon Ramadani.

Në finalen e Kupës së Kosovës, bardhekaltrit do të ndeshen me klubin gjakovar, Liburni, të cilët fituan ndaj FC Prishtinë me rezultat 8-3.

Golat që e siguruan finalen e ekipit gjakovar u shënuan nga Ramadan Alaj (het-trik), Arbër Dobroshi (het-trik) dhe Mentor Mejzini e Halim Selmanaj nga një.

Dueli final i Kupës së Kosovës ndërmjet Liburnit dhe Prishtina 01 zhvillohet më 17 shkurt në Pallatin e Rinisë dhe Sporteve në Prishtinë. /Telegrafi/  

Të Ngjajshme
Shfaq Komentet (0)