Shteti fqinj Serbia ka një jetë të tërë që e lufton në gjitha mënyrat Republikën e Kosovës. Mirëpo, tash së fundi është duke e ndërmarrë një fushatë diplomatike mjaft të ashpër për t’i bindur shtetet që e kanë njohur Kosovën si republikë, të bëjnë kthim mbrapa, duke tërhequr njohjen e saj.
Megjithëse, në çdo pretendim të ministrit serb, Ivica Daçiq, ka reaguar Ministria e Punëve të Jashtme në krye me Behgjet Pacollin. Ai i ka cilësuar si propaganda, duke i theksuar se asnjë akt diplomatik nga 116 shtete që e kanë njohur Kosovën, nuk ka ardhur ku thuhet se tërheqin njohjen.
Mirëpo, kështu nuk mendon, Taulant Kryeziu, njohësi i marrëdhënieve ndërkombëtare, i cili në një intervistë për KosovaPress, veprimet e diplomacisë kosovare nuk i sheh si të mjaftueshme.
Sipas tij, MPJ-ja duhet të ishte më argumentuese në deklarimet e saja. Kryeziu thekson se do të duhej menjëherë të vendoseshin komunikimet diplomatike me shtetet që Serbia po pretendon që e kanë çnjohur Kosovën.
Megjithëkëtë, në terma juridik të së drejtës ndërkombëtare, siç thotë ai njohja e një shteti është çështje faktike, jo juridike. Kryeziu thotë se çnjohja është koncept politik që prodhon pasoja politike. Sipas tij, është normale që këto pretendime të Serbisë të sjellin efekte negative, sidomos kur i humb njohjet, e aq më keq kur nuk merr njohje të reja.
“Tash është tendencë se qysh me i ruajt këto njohje, ide do të ishte se si të marrim më shumë njohje, ndërsa sot krejt çka dialogohet është se a i kemi shtatë çnjohje, nëntë çnjohje, apo çka ka ndodhur. Kjo është e rrezikshme, e dëmshme, kjo na bën jo të fortë karshi dialoguesit tonë, këtë rast Serbisë. Ajo që mund të bëjë Ministria e Jashtme është që t’iu bëjë të qartë gjithë ambasadorëve tanë që çdo kush që flet në emër të Republikës së Kosovës, duhet të flet brenda aktit më të lartë juridiko-politik që e ka vendi, kjo është Kushtetuta e Republikës së Kosovës”, tha ai.
Ndërsa, profesori universitar për marrëdhënieve ndërkombëtare, Arben Fetoshi shprehet gjithashtu kritik ndaj diplomacisë kosovare. Ai thotë se ka mangësi të mëdha në kapacitete. Sipas tij, të gjitha shtetet që e kanë njohur vendin tonë është dashur të mbulohen nga shërbimi diplomatik i Kosovës përkundër se nuk kanë ambasada tek ato shtete, në mënyrë që siç thotë ai, Kosova mos të vijë në këtë gjendje, ku diskutohet çnjohja e saj.
“Fatkeqësisht, më duhet të them që Ministria jonë e Jashtme dhe në përgjithësi shërbimi jonë diplomatik nuk ka qenë në nivelin e detyrës që t’i kundërpërgjigjet mjaftueshëm pretendimeve të tilla duke qenë, thjesht, në nivel deklarativ njohjet e Republikës së Kosovës kjo e lë hapësirën për të zhvilluar këtë diplomaci agresive të Serbisë ndaj Kosovës”, tha Fetoshi.
KP ka tentuar të kontaktojë kryetaren e Komisionit parlamentar për Punë të Jashtme, Vjosa Osmani, por ajo nuk ishte e qasshme.
Krejt qasje tjetër ka Ministria e Punëve të Jashtme. Sipas Fatmir Haxhollit, këshilltari i ministrit Behgjet Pacolli çdo pretendim i Serbisë për tërheqje të njohjeve është vetëm propagandë e kotë. Ai thotë se asnjë përfaqësi diplomatike e Kosovës nuk ka pranuar një akt të dytë për tërheqjen e njohjeve.
“Nuk ka pasur, e as nuk mund të ketë, sepse njohja ka ardhur si një akt formal, juridik ndërkombëtar që bazohet në të drejtën sovrane, në të drejtën dhe ligjin ndërkombëtar të një vendi për ta njohur Kosovën dhe këtë e kanë bërë 116 vende. Nuk ka ardhur në adresë të përfaqësive tona diplomatike ose në adresë të Ministrisë së Punëve të Jashtme dhe përfaqësitë tona diplomatike përfshi dhe Ministrinë e Punëve të Jashtme, asnjëherë nuk kanë pranuar një akt të dytë ku thuhet se ndonjë prej këtyre 116 vendeve, ku ju kemi njohur, por jemi duke e ri-menduar ndryshim pozicioni”, ka thënë Haxholli.
Në lidhje me mungesën e njohjeve, Haxholli pohon se ritmi i njohjeve nuk mund të jetë i njëjtë, pasi ka disa shtete më shumë hezituese dhe duhet punuar më shumë për të siguruar njohjen e tyre.
“Kosova deri më sot me një ritëm konstant gradual, ka arritur t’i ketë 116 njohje, askush nuk duhet të priste që ritmi të jetë i njëjtë, sepse nuk mundet që Kosova ta ndjekë një ritëm si në 2008, 2018, si 2028, sepse ne kemi hyrë në një zonë kur kemi arritur në një numër relativisht të madh të njohjeve dhe tani janë ato shtete të cilat janë hezituese dhe me to duhet të punohet shumë herë më fortë se sa në të kaluarën”, ka thënë ai.
Në dy vitet e fundit, Republika e Kosovës ka marrë vetëm një njohje, ndërsa prej shpalljes së pavarësisë, sipas institucioneve diplomatike ka 116 njohje.
Promo
Reklamo këtuLufta Prigozhin - Putin
Më shumëNga Rubrika
Ambasadori Martin Berishaj përfundon deklaratën në Speciale, deklarohet avokati Gashi
Nënshkruhet marrëveshja dypalëshe mes Kosovës dhe Malit të Zi, për Programin e Bashkëpunimit Ndërkufitar IPA III 2021-2027
Tahiri: Tri raste që dëshmojnë se VV synon të fsheh hajninë dhe mashtrimet
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë
Lajçak me post të ri nga shtatori
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët
RTK: Ambasadori Berishaj po intervistohet nga Prokuroria Speciale
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Madam, stili jot lyp këpucë franceze?
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia