Presidentja e Republikës së Hungarisë, Katalin Novak deklaroi sot se “duam që Shqipëria të jetë zyrtarisht pjesë e Evropës, kemi nevojë për Shqipërinë në Bashkimin Evropian”.
Në fjalën e saj përshëndetëse në Kuvendin e Shqipërisë, Novak tha se “jo vetëm ju keni nevojë për BE-në, por edhe ne hungarezët edhe gjithë kombet e BE-së kanë nevojë për ju brenda BE-së”.
Më tej, Novak tha se “do të përpiqem të bëj sa më shumë për marrëdhëniet diplomatike mes dy vendeve. Me Shqipërinë kemi një marrëdhënie të lartë miqësore, shqiptarët dhe hungarezët e kuptojnë dhe e mbështesin njëri-tjetrin”.
Presidentja Novak u shpreh se “kam ardhur në një kohë kritike këtu në Shqipëri. Evropa është në rrezik, ka vështirësi përballet me vështirësi me të cilat prej kohësh nuk u përball. Nga këto dua të theksoj luftën në Ukrainë dhe pasojat e kësaj lufte, Ballkanin Perëndimor, stabilitetin dhe rëndësinë e tij, emigracionin ilegal, sfidat demografike që do të përballemi më fort se ndonjëherë në histori si dhe fuqinë politike të Evropës e cila është në pikëpyetje se në çfarë vendi mund të jetë Evropa në politikën botërore”.
Sa i takon luftës në Ukrainë, Novak tha se “të gjithë ishin të habitur me atë që ka ndodhur në Ukrainë. Vendimi i Rusisë prej një viti që të sulmojë fqinjin e tij na ka vendosur në një situatë të re. Ne mbështesim sovranitetin, integritetin territorial të Ukrainës dhe ata që janë refugjatë nga lufta”.
“Si fqinjë të Ukrainës deri tani kemi ndihmuar 2 milionë refugjatë edhe pse shumica e emigrantëve nuk kanë qëndruar për një kohë të gjatë në Hungari”, shtoi Novak.
Novak u shpreh se “në vend të armëve kemi nevojë për bisedime, në vend të refugjatëve duam të shikojmë familjet bashkë, në vend të të vdekurve duam të shikojmë lindje të re. Duam të shikojmë një rrugë drejt paqes”.
Lidhur me stabilitetin, paqen e sigurinë në Ballkanin Perëndimor Novak theksoi se “tani të gjithë shohim Ukrainën, por harrojmë sa e rëndësishme është që Ballkani Perëndimor të ketë paqe e siguri. Të shohim Kosovën apo Bosnjë-Hercegovinën dhe të shohim se sa e vështirë është situata dhe sa pak duhet për të rritur tensionin dhe kjo pastaj të kalojë edhe në nivel lufte. Prandaj është shumë e rëndësishme për ne që të ruajmë që përsëri të krijojmë stabilitet, paqe dhe sigurinë e vendeve të Ballkanit Perëndimor”.
“Në Kosovë kemi ushtarë hungarezë gjithashtu, në KFOR kemi mbi 400 ushtarë nga ata 20 janë lënduar nga sulmet e fundit, shumica e tyre janë në spital. Situata mund të kalojë në agresion dhe këtë duam ta shmangim në çdo lloj mënyre. Jam e bindur që stabiliteti i Ballkanit Perëndimor është integrimi evropian. Po ashtu jam e bindur që integrimi evropian do na çojë drejt paqes, stabilitetit në të gjithë Evropën, sepse paqja siguria e Evropës varet nga Ballkani Perëndimor prandaj kemi nevojë sa më shpejt për integrimin evropian”, theksoi Novak. /Telegrafi/
Lufta Prigozhin - Putin
Më shumë“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
A do të jetë Kosova vendi i parë në botë me shumicë myslimane që do të mundësojë martesat e së njëjtës gjini, Martens: Me sa duket po
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Gjenden pa shenja jete dy persona, njëri në Fushë Kosovë e tjetri në Prishtinë
Von Cramon: Nuk ekziston më arsyeja për masat kufizuese të BE-së ndaj Kosovës
Osmani për fjalimin e saj në KS të OKB-së: E kemi thënë të vërtetën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre