Presidenti armen falënderon Kim Kardashian, Eric Esrailian dhe Cher për kontributin në njohjen e gjenocidit

Presidenti armen, Sarkissian, ka dërguar letra falënderimi për David Geffen, Eric Esrailian, Kim Kardashian dhe yllin e muzikës pop, Cher (Cherilyn Sarkisian).

Në një letër drejtuar producentit Erik Esrailian, presidenti theksoi ndikimin e filmit të tij “The Promise”.

“Unë do të doja të përmendja përkushtimin e Kirk Kerkorian, ndjenjën e tij të detyrës dhe besimit, të cilat e ndihmuan atë të zbatonte një numër projektesh, duke përfshirë xhirimet e The Promise. Filmi pati një ndikim të madh në ngritjen e vetëdijes për gjenocidin armen. Pa dyshim, ndikimi i madh i Kirk luajti një rol të rëndësishëm këtu”.

“Së bashku duhet të mendojmë se si ta vlerësojmë trashëgiminë e madhe të Kirk dhe të përfitojmë nga patriotizmi i tij i sinqertë. Faleminderit për përpjekjet tuaja dhe për mbajtjen e The Promise”.

Lexo po ashtu Të gjitha lajmet nga Kim Kardashian

Në një letër drejtuar Kim Kardashian, Sarkissian vuri në dukje. “Ju dhe familja juaj keni një ndikim të madh jo vetëm në SH.B.A. por edhe në të gjithë botën, dhe ishte fantastike të shihje se si ndikimi dhe veprimet e tua luajtën një rol të rëndësishëm në një njohje ndërkombëtare të gjenocidit. Faleminderit për përpjekjet tuaja të palodhshme dhe përkushtimin e sinqertë”.

Në një letër për Cher, presidenti theksoi se këngëtarja ka qenë gjithmonë në mesin e figurave të shquara që luftonin kundër mohimit të gjenocidit. “Ndikimi juaj luajti një rol të rëndësishëm në njohjen ndërkombëtare të gjenocidit armen. Kur bashkojmë përpjekjet dhe shndërrojmë vizionin tonë në veprim real dhe të matshëm, rezultati është gjithmonë i mirë. Shpresoj t’ju shoh përsëri në Armeni, ashtu si vite më parë”. /Telegrafi/