Portieri kishte probleme me diellin që po i binte në sy, tifozi i skuadrës e ndihmon duke ia dhuruar kapelën e tij (Foto/Video)
Pasi luftoi me diellin e fortë që po binte në sytë e tij, portieri i Leeds United, Felix Wiedwald iu dha një ndihmë nga një tifoz i klubit, i cili ia huazoi kapelën për ta mbrojtur nga dielli.
Një ndodhi interesante ka ndodhur në kategorinë e dytë të futbollit anglez apo në Championship në ndeshjen mes Barnsley dhe Leeds.
Në një pasdite të ndritshme në Yorkshire, portieri Wiedwald ndjeu se dielli i fortë po ndikonte në pamjen e tij gjatë pjesën së parë në Oakwell.
Kështu, portieri mysafirë nxiti një nga mbështetësit e Leedsit për t’ia dhënë atij kapelën e tij në mënyrë që mos të kishte probleme me shikimin.
Tifozi pa u menduar dy herë ia dha kapelën, teksa ky gjest u duartrokit nga tifozët tjerë dhe i dhanë ovacione të shumta.
Ky gjest doli të ishte me fat pasi pa kaluar mirë dy minuta skuadra mysafirë e Leedsit gjeti golin e epërsisë.
Ndërsa, në fund të ndeshjes tifozët mysafirë të Leedsit që kishin udhëtuar në numër të shumtë ishin shumë të lumtur, pasi ndeshja përfundoi me fitoren e skuadrës së tyre me rezultat 2-0.
Edhe saga e kapelës erdhi në një përfundim të lumtur pasi tifozit iu kthye kapela nga portieri i skuadrës së tij gjatë pjesës së dytë. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251