Porsche Cayenne Coupe është lideri i ri i kategorisë SUV

Porsche ende nuk ka zbuluar se cili version është, por dihet që Cayenne Coupe kaloi “ferrin e gjelbër” për shtatë minuta dhe 38,925 sekonda, gjë që e bën atë liderin e ri në kategorinë SUV.

Në prag të prezantimit të versionit të ri të Cayenne Coupe në Porsche, ata treguan mundësitë më të mira të SUV-it të tyre me performancë të lartë, i cili “mbylli” xhiron në shtatë minuta dhe 38,925 sekonda në pistën e famshme gjermane, Nurburgring Nordschleife.

Kështu u bë një mbajtës i ri rekord në kategorinë e prodhimit SUV, sepse në pak sekonda fiksoi kohën më të mirë të arritur më parë nga Audi RS Q8, raporton motor1.

Porsche ende nuk ka zbuluar emrin e versionit të fundit të Coupe Cayenne të drejtuar nga garuesi Lars Kern, por theksoi se kur zhvilloi makinën, fokusi kryesor ishte në trajtimin në asfalt. E gjithë historia u ndihmua nga zgjedhja e një trupi Coupe që ofron një qendër më të ulët graviteti.

Vetura dihet se ka goma 22 inç Pirelli P Zero të zhvilluara posaçërisht për këtë model dhe informacionet e mëparshme jozyrtare sugjerojnë se Cayenne Coupe më e shpejtë mundësohet nga një motor biturbo 4 litërsh V8 që zhvillon 640 kuaj/fuqi. Të gjitha informacionet do të dihen së shpejti. /Telegrafi/