Policia e Kosovës ka konfirmuar se rreth orës 15:45 në lumin Lepenc është gjetur trupi i njërit nga policët e zhdukur, të cilët që nga e shtuna u aksidentuan në magjistralen Kaçanik-Hani i Elezit.

Zëdhënësi i Policisë për rajonin e Ferizajt, Agim Gashi në një prononcim për media nga vendi i ngjarjes, ka thënë se nuk dihet identiteti i trupit të gjetur.

Gjendet njëri nga trupat e policëve të zhdukur (Video) Gjendet njëri nga trupat e policëve të zhdukur (Video)

“Rreth orës 15:45 me një aksion të Policisë së Kosovës, Zhytësve të FSK-së, Agjensionit për menaxhimin e emergjencave, zjarrfikësve dhe shume personave të tjerë është kontrolluar një vend ky kemi dyshuar, dhe në kilometrin e pestë në drejtim të Hanit të Elezit është gjetur turpi i njërit nga policët e zhdukur”, ka thënë Gashi.

Ai ka shtuar se kërkimet do të vazhdojnë edhe për gjetjen e trupit të policit tjetër të zhdukur.

“Do t’i vazhdojmë kërkimet, nuk duhet të humbim shpresën dhe shpresojmë që edhe kolegun tonë tjetër do ta gjejmë”, u shpreh Gashi. /Telegrafi/