Policia gjermane ka dalë në një konferencë për shtyp pas shpërthimeve që ndodhën në afërsi të autobusit të Borussia Dortmundit para ndeshjes kundër Monacos në Ligën e Kampionëve.

Ata kanë bërë të ditur se kanë gjetur një letër në afërsi të skenës së krimit dhe po përpiqen që ta vërtetojnë përmbajtjen e saj, të cilën nuk e kanë bërë publike.

Pasojat pas shpërthimit (Getty Images)

Autoritet kanë konfirmuar se autobusi i Dortmundit ishte shënjestër e sulmit. Nuk është e qartë nëse përmbajtja e letrës i ka dërguar te ky konkludim, megjithëse ata kanë arsye të tjera për të dyshuar për këtë gjë duke qenë se akoma nuk e kanë konfirmuar nëse përmbajtja e letrës ka të bëjë me sulmin.

Marc Bartra do të operohet pas plagosjes që pësoi gjatë shpërthimit në Dortmund Marc Bartra do të operohet pas plagosjes që pësoi gjatë shpërthimit në Dortmund

Njëherësh, policia ka bërë të ditur se ndeshja e të nesërmes (e mërkurë) do të zhvillohet nën masa të përforcuara të sigurisë.

Përmbajtja e letrës duket se ka të bëjë me marrjen e përgjegjësisë nga autorët e sulmit. Megjithatë, ritheksojmë se policia nuk e ka publikuar përmbajtjen e saj.

Ndeshja e të nesërmes do të zhvillohet nën masa të rrepta sigurie (Getty Images)

Njëherësh, policia ka treguar se shpërthimet kishin ndodhur në momentet kur autobusi i Dortmundit po kalonte pranë tyre, por akoma nuk dihet se si janë aktivizuar. Ata besojnë se dikush ka shikuar dhe e ka pritur momentin. /Telegrafi/

TË GJITHA LAJMET RRETH INCIDENTIT NË DORTMUND TË GJITHA LAJMET RRETH INCIDENTIT NË DORTMUND