Po vjen një reality show me karakter humanitar

Kooperativa është Reality Show që do të ketë për bazë një aksion humanitar.

Një format special i Reality Show, ku partner medial do të jetë edhe Telegrafi, do të zgjedh banorët nga të gjitha trevat shqiptare dhe diaspora.

Reality show do të përzgjedh një familje skamnore me shtëpi, por e cila jeton në kushte të mjerueshme.

Banorët e shout, ku do të jenë 18 persona, do të jetojnë në oborrin e kësaj familje. Më pas Kooperativa do të largojë familjen nga shtëpia e tyre dhe detyra e banorëve të do të jetë ndërtimi i një shtëpie të re. Pra, rrënimi dhe ndërtimi i një shtëpie të re nga themeli deri tek mobilimi në detaje më të vogla.

Banorët do të kenë çdo ditë një orar pune, i cili do të zgjas nga ora 09:00 mëngjesit deri në ora 17:00.

Gjatë këtyre dite ata do të kenë edhe nga një kryepunëtor VIP, për cilin personazh do të ju njoftojmë në ditët në vijim. Krahas kësaj banorët do të kenë edhe obligime javore, çdo javë do të kenë nga një befasi nga stafi organizativ dhe eliminim javor.

Ky Reality Show do të zgjat 7 javë, duke u nisur nga 26 maji deri më 14 korrik.

Telegrafi do të ju mbaj të informuar në ditët në vazhdim rreth spektaklit me karakter humanitar.