Po ‘testonte baticën’!? Momenti kur një burrë në Angli pothuajse ‘gëlltitet’ nga një valë gjigante, në mes të stuhisë

Ky burrë pothuajse u bë viktima e katërt e stuhisë Arwen, pasi ai mezi shpëtoi duke u rrëmbyer nga një valë gjigante që përfshiu bregdetin e Scarborough, Angli.

Sipas mediave britanike, përcjell Telegrafi, pamjet tronditëse tregojnë burrin duke qëndruar në shëtitoren në North Yorkshire duke mos menduar për sigurinë e tij, ndërsa një det i dhunshëm tërbohet vetëm disa metra larg.

Dhe valët vazhdojnë të shpërthejnë përpara se të vijnë mbi barrierën buzë detit, por burri e kupton shumë vonë dhe “gëlltitet” nga një pjesë e madhe e ujit ndërsa përpiqet dëshpërimisht për siguri.

Për një moment duket sikur ai është rrëmbyer nga deti, para se të dalë disa sekonda më vonë, i lagur, por mrekullisht ende në këmbë.

Sidoqoftë, arratisja e tij me fat e ka parë atë të cilësohet si ‘i çmendur’ nga ata që kanë parë pamjet në rrjetet sociale për mungesën e sensit të shëndoshë përballë kushteve të rrezikshme.

Pamjet vijnë ndërsa stuhia Arwen godet veriun e Anglisë dhe Skocisë me erëra me shpejtësi 100 milje në orë dhe stuhi dëbore, duke çuar në vdekjen e tre personave. /Telegrafi/