Pamjet e filmuara nga ajri me dron, kanë kapur momentin kur surfisti profesionist Matt Wilkinson, për “një fije floku” i shpëton sulmit të një peshkaqeni afro tri metra të madh në bregun e Ballinas në New South wales, shkruan Guardian.

Kampioni botëror po bën surf me dërrasë në afërsi të plazhit Sharpes, kur një peshkaqen gjigant notoi shumë pranë tij duke i qëndruar prapa shpinës, transmeton Telegrafi.

“Dëgjova një zhurmë por nuk mund të shihja asgjë”, ka deklaruar Wilkinson për një televizion lokal të New South Wales.

E një ekip i shpëtimtarëve që kishin ngritur në ajër dronin, kanë arritur ta kapin këtë moment rrëqethës, që për fat të mirë ka përfunduar pa të lënduar apo edhe viktima.

Pas këtij incidenti autoritetet kanë evakuuar plazhin e Wilkinson që shpëtoi kësaj here, nuk e kishte fatin e njëjtë gjatë një gare në Afrikën e Jugut në vitin 2015, ku kishte pësuar lëndime të lehta trupore nga sulmi i një peshkaqeni. /Telegrafi/