Ndarja e Olivia Wilde dhe Jason Sudeikis erdhi si një tronditje për shumë fansa të tyre – por gjërat thjesht nuk shkuan mirë.

Lajmi që çifti i dha fund fejesës erdhi të premten, më disa njohuri për ET se përse të njëjtit u ndanë pas nëntë vitesh së bashku.

“Nuk kishte absolutisht asnjë dramë ose skandal, ata thjesht nuk funksionuan më si çift”, ka thënë një burim për ET. “Nëse jeni duke kërkuar për një histori prapa kësaj, thjesht nuk ka një të tillë”.

Olivia Wilde dhe bashkëshorti i saj, Jason (Foto: Getty Images)

“Sigurisht që fëmijët janë përparësia e tyre”, shtoi burimi duke thënë se ata janë 100 për qind prindër të përkushtuar.

Aktorët ndërkohë janë prindër të dy fëmijëve; djali Otis, gjashtë vjeç dhe vajza Daisy, katër vjeçare.

Olivia Wilde është ndarë nga partneri i saj, aktori Jason Sudeikis Olivia Wilde është ndarë nga partneri i saj, aktori Jason Sudeikis

“Ata e adhurojnë njëri-tjetrin dhe nuk kanë asgjë përveç respektit më të madh për njëri-tjetrin. Ata do të vazhdojnë të jenë mbështetësit më të mëdhenj të njëri-tjetrit, veçanërisht kur bëhet fjalë për fëmijët dhe karrierën e tyre”, shpjegon burimi. “Ata takohen gjatë gjithë kohës”.

Sidoqoftë, burimi vazhdon se ‘fundi i lidhjes’ ishte kur çifti u zhvendos nga shtëpia e tyre në Brooklyn, New York, në fund të vitit 2019. Sipas burimit ata momentalisht jetojnë në Los Angeles.

Jason Sudeikis dhe Olivia Wilde (Foto: Astrid Stawiarz/Getty Images for GLAMOUR)

Regjisorja e “Booksmart” dhe ylli i “Ted Lasso” filluan të takoheshin në nëntor 2011, gjersa Sudeikis i propozoi në fund të vitit 2012.

ET kishte folur me Sudeikis të enjten, madje ai po e lavdëronte Wilde teksa është duke punuar në filmin e saj të ri, “Don’t Worry Darling”, xhirimet e të cilit u anuluan për shkak se një aktor rezultoi pozitiv me COVID-19.

“Është e mahnitshme të shohësh sepse ajo vetëm po punon, ajo nuk ndalet dhe tani po merret me filmin e ri”, thotë me tej aktori amerikan.

Fejesa e aktores së famshme erdhi disa muaj pas divorcit nga bashkëshorti i saj i parë, Tao Ruspoli. /Telegrafi/

Olivia Wilde dhe Jason Sudeikis (Foto: LEFToye)