Përplasja e dy trenave në Itali, numri i të vdekurve arrin në 20 (Video)

(E plotësuar) Raportimet e fundit të mediave të huaja flasin për një numër prej 20 të vdekurve si pasojë e përplasjes së dy trenave të cilët po udhëtonin në drejtime të kundërta në Itali.

———————————-

Përplasen dy trena në Puglia, 12 të vdekur dhe shumë të lënduar (Video)

Një aksident i rëndë hekurudhor ka ndodhur në Puglia. Mediat italiane raportojnë se dy trena të cilët udhëtonin në drejtime të kundërta, por në të njëjtin binar, janë përplasur mes tyre.

Të dhënat e para flasin për 12 pasagjerë të vdekur dhe shumë të tjerë të plagosur.

Në vendngjarje ndodhen shërbimet e ambulancës dhe zjarrfikësesh, të cilët punojnë për të nxjerrë nga rrënojat personat e bllokuar dhe dyshohet që mund të ketë të tjera viktima.

Incidenti ka ndodhur në një fshat mes lokaliteteve Ruvo dhe Korato. Secili nga trenat përbëhej nga katër vagonë. Në aksident janë përfshirë dy vagonët e parë të secilit prej mjeteve hekurudhore.

Nga rrënojat ekipet e shpëtimit kanë nxjerrë një fëmijë fare të mitur, që për fat të mirë ka qenë ende në jetë dhe është transportuar me helikopter në spital.

Dëshmitarët flasin për skena apokalipsi. Policia ka nisur hetimet për zbardhjen e ngjarjes.