Së paku 151 persona kanë vdekur, pas përmbytjeve të mëdha dhe rrëshqitjeve të dheut në Shri Lankë. Numri i vdekjeve pritet të jetë shumë më i madh.

Autoritetet e sigurisë kanë thënë se vetëm një nga 112 të zhdukurit mund të jetë i gjallë, teksa kanë kërkuar ndihmën e të gjithëve që të dalin në kërkim, transmeton Telegrafi.

Regjionet perëndimore dhe jugore të vendit janë mbuluar nga uji, pasi dy ditë ka rënë shi i rrëmbyeshëm dhe për pasojë afro 500 mijë njerëz është dashur të zhvendosen.

Kombet e Bashkuara kanë deklaruar se po bëhen gati për ndihmë, ndërsa kanë dërguar deri më tani pajisje për pastrimin e ujit të pijes, tenda dhe gjëra elementare për ata që mbetën në qiell të hapur.

Megjithëse moti është përmirësuar, pritet që java që vjen të sjell edhe dy ditë shi të rrëmbyeshëm. /Telegrafi/