Përgatitje e planit strategjik për përfshirjen sociale të personave të moshuar

Kryqi i kuq i Republikës së Maqedonisë dhe Shoqata ‘Humaniteti’ prej sot deri më 3 qershor në Strugë do të mbajnë takim nacional për përgatitjen e planit strategjik për punë në rrjetin e organizatave të shoqërisë civile për përfshierjen sociale të personave të moshuar. Projekti financohet nga Bashkimi Evropian, transmeton Telegrafi Maqedoni.

‘Në takim nacional do të prezentohet raporti i analizës së bërë për situatën në Maqedoni të dokumenteve strategjike, politikave të cilat e trajtojnë çështjen e plakjes së popullatës në Maqedoni si dhe kapacitetet e organizatave civile në vend për përfaqësim, në bazë të së cilës do të përgatitet plani strategjik për punën e rrjetit’, kumtoi Kryqi i kuq i RM-së.

Takimin do ta hapë kryetari i Kryqit të kuq, Sait Saiti dhe Meri T.Pavlloska si dhe do të marrin pjesë përfaqësues të organizatave të shoqërisë civile si dhe përfaqësues të institucioneve qeveritare, organizata të Kombeve të Bashkuara në Maqedoni dhe të Delegacionit të BE-së në Shkup. /Telegrafi/